BACOLOD

1 Koryano, 2 Pinoy nasikop sa NBI

USA ka Korean national ug duha ka mga Filipino ang giaresto sa entrapment operation tungod sa illegal recruitment sa lima ka mga tawo nga ilang gisaaran nga makatrabaho sa Seoul, South Korea.

Nasikop sa National Bureau of Investigation (NBI) sila Kim Hyuntaek, Korean national, Ivan Jade Salcedo ug James Dacula Manalili sa coffee shop sud sa shopping mall sa siyudad sa Davao niadtong Huwebes.

Pinaagi sa tabang sa Bureau of Immigration (BI), ang reklamo giduso sa NBI hinungdan sa ilang pagkaaresto.

Sa ilang joint affidavit-complaint, si Joana Mae P. Veulban, Joanna B. Escobar, Melanie B. Labria, Carlo Anthony J. Baraquero ug Jomar B. Escobar nagkanayon nga girekrut sila sa mga suspek aron motrabaho sa Han-Chon Restaurant and KTV Bar sa Seoul.

Sila nagkanayon nga gipromisahan sila nga motrabaho isip crew ug entertainers sa maong restaurant ug mokita sa kantidad nga P30,000-P100,000 matag bulan.

Sanglit nakombinsi sa Korean national, mga nagreklamo nagbutyag nga mibayad sila sa travel documents, working visa, Philippine passport ug uban pa nga prosesohon sa Korea.

Si Jomar ug Baraquero nagbutyag nga mobayad lang sila og P5,000 samtang si Veulban nagbutyag nga nga mobayad og P2,500.

Si Labria nagkanayon nga ang Korean national mihanyag kaniya nga di mobayad kon mosugot siya nga makighilawas.

Human mobayad, mga nagreklamo nagbutyag nga ang tulo nagsulti nga naka-eskedyul na ang ilang pagbiyahe sa Korea.

Tungod niini, gisubay sa mga nagreklamo sa Bureau of Immigration kon si Kim adunay permit nga mag-rekrut, apan ang BI nagtudlo kanila nga susihon sa Philippine Overseas Employment Agency.

Nasayran nila nga si Kim way lisensiya o awtorisado nga mag-rekrut mao nga ilang gipadakop ang mga suspek. (Arianne Caryl N. Casas)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph