SECTIONS
Bacolod
Thursday, June 24, 2021
BACOLOD

Vallena: Nagkamahal

BISAN daginuton ang kuwarta, wa ko magdahom nga makapabarog og tulo ka mga mountain bike. Upat na gani unta kon wa pa mahalin ang usa nako ka frame kay akoang gidugang ang halin sa pagpalit og lain nga mountain bike frame ug fork.

Kon nagpalit pa ko og built bike o kanang whole bike sa local bike shops nga maoy akoang gihimo sa una, di tingali ko makapabarog kay mahal. Mas taas og presyo ang built bikes but sagad ang parts, depende sa presyo sab, kinahanglan gihapon nga i-upgrade. Magkadugay gud ka sa biseklita, masuhito na ka sa parts ini.
Sagad sa malingaw na sa biseklita, ganahan nang mo-upgrade sa bike parts. Usa man gud ni sa makalingaw sa biking ang bike upgrading.

Mao ni ang nahitabo sa akoang duha ka amigo nga sila si Pokey ug Miguel nga di mahimutang kon di makailis og mas taas nga klase sa bike parts kada buwan. Ako wa magsige og upgrade kay naa koy laing priorities but tungod sa tabang ni Pokey, dunay time nakailis ko og parts, sama sa wheelset nako nga Red Metal, rear derailleur ug trigger shifter nga SRAM XO.

Akoa ning gihisgutan kay dunay nangutana nako hangtod ron kon unsay maayo, built bike or assembled. Natural ari ko sa assembled base sa akong experience kay gawas nga makadaginot ka, makapili ka pa sa parts. Kon mo-upgrade ka sa human daan nga bike, mas dako ang gasto.

Apan mas maayong mokunsulta ka og suhito una ka pa mag-assemble og bike kay duna man niy mga sukod sibo sa imong gidak-on ug gitas-on.

Mas gasto

Usa nako ka higala nipalit og bike pipila ka mga buwan ang nakalabay sa presyo nga P24,000. Sa akong tan-aw, makapabarog ko adto nga bike at P18,000 or a bit less with better drive train. Mas lesser ang akong nagasto sa MTB sa akong anak nga hydraulic na ang brakeset.

Wa na man gud kinahanglana nga mopalit ka tanan og brand new. It could be a combination of both brand new ug slightly used. Ang drive train sa akong anak Shimano Deore na. Kon brand new nga paliton iyang bike as built, di ni mominos og P30,000 sa shops. Apan wa gani kaabot og P20,000 akong gasto kay lagi, combination sa brand new ug slightly used parts ang akoang gigamit.

Kon unsa man sa MTB, mao sab ni sa road bike. Kon ganahan kang makadaginot, pagpugong lang sa imong desire nga makatungtong dayon sa biseklita. Go for an assembled bike.

Bunal trading sa folding

Kaniadto, moingon silang mahal ang bikes ni Jay Garganera. Apan karon, ma shock na ko sa presyo sa baligyang surplus sa ubang sellers nga alang nako tinunto na kaayo.

Naay uban nga namaligya og P5,000 nga ordinary brand nga surplus bike.Okay ra unta kon branded, Lately, naay namaligya og tag P8,000 nga as-is surplus aluminum bike. Kon mao na man lang nay presyo nila, mopalit na lang ko og brand new or slightly used sa Internet nga popular brands pa. Klaro kaayong pagpahimulos ning ilaha sa popularity karon sa folding bike.

Kon magpadayon ning ubang bike sellers, mohinay ug eventually mamatay ra sab ang folding bike craze. Maayo unta makaamgo ang ubang mga negusyante og biseklita nga di tawon brand new ilang mga baligya. Akong giingnan si Jay nga tambagan ang uban niyang mga amigo nga di sab magpalabi sa pagpahimulos.

style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph