SECTIONS
Monday, December 17, 2018
BACOLOD

Huwes dismayado paghukom batok Corona

SI REGIONAL Trial Court (RTC) Executive Judge Pelagio Paguican nagpadayag sa iyang pagkadismaya sa desisyon sa Senado nga nagkombikto kang Supreme Court Chief Justice Renato Corona.

"Disappointed for the senate finding him guilty because we expected him to be acquitted but we should respect the decision," pahayag ni Paguican dihang nahinabi kagahapon.

Si Paguican nagsulti nga ang desisyon sa mga senator-judges kinahanglan nga irespeto tungod representante sila sa katawhan kinsa gitahasan sa paghukom sa maong kaso subay sa Constitution.

Sa paghukom sa impeachment court, 20 ka mga senator-judges ang miboto nga palagputon si Corona gikan sa pwesto human nasuta nga sad-an sa pagluib sa public trust ug paglapas sa Constitution.

Si Paguican nagbutyag nga ang pagkombikto ni Corona nagpasabot lamang nga way bisan usa nga labaw sa balaod.

Dugang niya nga patas lamang ang tanan sama paghukom sa kaso ni Delsa Flores, kanhi court interpreter sa RTC Branch 4 sa Panabo City nga nakombikto niadtong Mayo 1997 tungod sa wa pagdeklara sa iyang tindahan sa merkado sa iyang statement of assets and liabilities and net worth (SALN).

"So kung gi-filan og kaso kadtong pinakataas, di imposible nga kasohan tong naa sa sangay. And base sa giingon ni chief justice, dapat kadto pung mga prosecutors nga nagkaso sa iya mag-disclose sa ilang SALN," pahayag ni Paguican.

Ang huwes nagtuo nga kuwang ang ebidensiya nga gipresenta aron makombikto ang punong mahistrado.

Dugang niya nga nagtuo siyang di paigo ang ebidensiya nga gipresenta tungod kay ang isyu mao ang pagresolba kon 'good faith' ba ang wa niya pagdeklara sa iyang deposito sa SALN tungod kay protektado sa balaod. (Arianne Caryl N. Casas)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!