TALIWALA sa ka peligruso sa ilang sitwasyon, wa itugot sa Miami Heat ang sayo nilang pagbakasyon sa nagpadayon nga season.
Mipakatap og 45 puntos si LeBron James ug milangkat og 15 ka rebounds aron kastiguhon ang Boston Celtics sa Miami Heat, 98-79, sa Game 6 kagahapon sa Eastern Conference finals.
Sa kadaugan, ang series nabira ngadto sa deciding Game 7 nga duwaon ugma balik didto sa tugkaran sa Miami – ang American Airlines Arena.
Bisan pa man sa mga depensa nga gilusad batok kaniya, si James mipuga og 19 sa 26 niya ka itsa field goal ug upat ka puntos na lang ang iyang kuwang aron matupngan ang iyang career high sa playoff.
Wa siya papahuwaya hangtod naklaro na ang ilang kadaugan sa katapusang tres minutos.
“He was absolutely fearless tonight, and it was contagious,’’ matod ni Heat coach Erik Spoelstra. “The way he approached the last 48 hours, and not only LeBron, but everybody else. Nobody likes getting dirt thrown on your face before you’re even dead. He showed great resolve.’’
Si Dwyane Wade mipahagsa og 17 puntos alang sa Heat kinsa nagkinahanglan nga modaog karong Sabado sa ilang korte aron mahibalik na usab sila sa NBA finals.
“He played amazing. He was locked in from the beginning of the game like I’ve never seen him before,’’ paghulagway ni Wade ngadto sa iyang suod nga higala.
Sa pildirong Celtics, si Rajon Rondo mitali og 21 puntos ug 10 ka assists, Kevin Garnett ug Brandon Bass nakatampo og 12 kada usa samtang si Paul Pierce igo rang naka nuebe puntos.
“He was comfortable all night,’’ nagkanayon usab si Rondo. “We didn’t get into his air space.’’
Sa kasagmuyo, liboan ka mga fans sa Celtics nga naghinamhinam na unta nga makasaksi sa selebrasyon niadtong gabihiona ang sayo kaayong nanggawas sa TD Garden sa tungatungang bahin sa fourth quarter.
Si gipakita ni James kagahapon siya ang unang player nga naka-score og 25 puntos batok sa Celtics sa walo ka sunodsunod nga duwa sa playoff sukad si Kareem Abdul-Jabbar nakahimo sa ingon niadtong Abril 28, 1974 ngadto sa Mayo 27, 1984.
Ang NBA playoff record, si Eric Floyd sa Golden State maoy nakakulit og pinakadakog score sa halftime nga may 39 puntos niadtong May 10, 1987 batok sa Lakers.
Sa kinatibuk-an aduna siyay 51 puntos.