BACOLOD

Eskwelahan naugdaw

GIBANA-BANANG moabot sa P7.5 milyon ang danyos sa eskwelahan nga nasunog niadtong Lunes diha sa lungsod sa Initao, Misamis Oriental.

Usa ka high school ug primary nga tunghaan nga mao ang Xavier Academy High School ang gilamoy sa kalayo nga mikaylap pa sa primary nga tunghaan.

Si Police Senior Inspector Mark Anthony Cagalitan hepe sa Initao Police Station nibutyag sa pakighinabi sa Sun.Star SuperBalita nga ang maong tunghaan gipanag-iyahan mismo sa Romanong Katoliko nga simbahan sa lungsod sa Initao.

Namatikdan ang sunog mga alas 6:00 sa gabii niadtong Lunes ug lisod na kaayo mapalong. Tungod kay ginama sa mga gaan ug dali ra masunog nga materyales tungod sa kadugayon niini hinungdan nga maayong pagkaugdaw.

Sa hungihong nga ilang namatikdan sa mga residente sa dapit nga giingong nag-overheat nga ceiling fan nga wala mapalong ang maoy gituohang hinungdan sa sunog.

Hinuon gipasabot ni Cagalitan nga padayon ang pagsusi sa Bureau of Fire Protection (BFP) ug mao lamang ang makasulti sa hinungdan niini kung mahuman ang imbestigasyon.

Gani sa ilang pakisusi usab nasayran nga niadtong nilabayng bulan diriyot usab nga masunog ang maong tunghaan sa dapit.

Matud ni Cagalitan nga nagsugod gyod ang maong tunghaan sa high school ug upat pa ka tuig nga gisugdan ang elementraya nga kasamtangan anaa pa sa Grade Four.

Ang mga firetruck nga nagikan sa lungsod sa Naawan, Lugait, Alubijid, Opol, ug mga fire volunteer ang mitabang sa pagpalong ug gideklarar kining fire-out alas 7:00 sa gabii.

Dako ang damyos sa sunog tungod kay apil sa nasunog ang tanan mga kabatangan sa tunghaan sama sa mga bag-ong computer, libro, bangko, ug uban pa nga gamit sa tunghaan.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph