SECTIONS
Saturday, October 20, 2018
BACOLOD

Editoryal: Airport

TAGSA ra kaayo sa mga biyahidor sa Manila nga mosakay og eroplano nga di magyawyaw sa “delayed flight.” Sagad sa hinungdan niini mao ang kataas sa air traffic sa Ninoy Aquino International Airport (NAIA).

Labing minos 30 minutos ang huwaton sa usa ka abyon diha sa tarmac aron makalupad. Usahay moabot pa og usa ka oras nga magurong ang abyon nga maghuwat sa iyang turno sa paglupad.

Ang suliran sa NAIA masinati sa Mactan Cebu International Airport kon di pangitaan og paagi sa mga opisyal sa Sugbo nga makatukod nga mas dako nga lugar kay sa tugpahanan karon.

Lisod na man sab nga padakan og maayo ang tugpahanan kay limitado na man daan ang gidakon sa airport. Ang nakapait ra ba karon kay bisan nakahibawo ang mga opisyal sa umaabot nga suliran, gilalisan pa kon asa kini ibutang.

Nagsaka ra ba ang mga turista sa Sugbo.

Di ni gamay nga suliran kay ang airport dako kaayo og papel sa ekonomiya sa usa ka dapit. Way lugar nga milambo nga way airport.

Gihugonhugon nga anha ra gihapon sa dakbayan sa LapuLapu o Cordova ibutang ang airport. Ang nakaparat kay nagilog ang mga opisyal kon asa nga dapit kini tukuron.

Mao ni ang sakit sa mga opisyal nga sige lang og pamulitika. Ipakita nila kinsay mas taas og ihi ug hawod bahala na og ang mga tawo mangamudmod sa kalisod.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!