SECTIONS
Thursday, April 25, 2019
BACOLOD

Usa patay sa pagpangrakrak

PANIMAWOS o hutdanay sa kaliwat maoy nakita nga motibo sa kapulisan sa pagpangrakrak kagahapon sa kaadlawon sa balay sa banay nga Aying sa Barangay Mactan, dakbayan sa Lapu-Lapu.

Ang away sa duha ka mga pamilya sa mao nga dapit gikatahong nagsugod pipila ka mga tuig na ang nakalabay.

Maayong pagkalungag sa wala nga bahin sa agtang ni Prima Paquibot-Aying, 42, trabahante sa Maitland Smith Corp. sa MEZ1 nga naigo sa balas a .45 kalibre nga pistola nga niresulta sa iyang hinanaling kamatayon.

Nakalingkawas ang iyang bana nga si Jerome A­ying Sr. ug ang ilang lima ka mga anak.

Duha sa tulo ka mga suspek giila sa mga saksi nga sila si Demetrio Malingin, alyas Onyot, ug ang igsuon nga si Jay, pulos taga Sityo Saac, Barangay Buaya.

Sa imbestigasyon sa Crime Against Person’s Desk (CAPD) sa city police office, ang pagpamusil nahitabo sa alas 3 kagahapon sa kadlawon samtang nangatulog sila sa ilang balay sa Sityo Proper, Mactan.

Asoy pa ni P/Insp. Zenaido Pastorfide, nga nangatulog niadtong higayona ang magtiayong Aying uban sa ilang lima ka mga menor de edad nga anak.

Nahigmata ang magtiayon dihang adunay nanang­pit nga “Jer” (Jerome).

Dali usab nga nibangon si Prima dayon nipasiga sa suga dungan sa pag-abli sa pultahan aron sa pagsusi kinsa ang nanangpit sa iyang bana.

Nasuta niini nga diha sa gawas ang managsuong Malingin ug laing usa ka wala mailhing lalake nga pulos armado.

Gibati og kakulba si Jerome dihang nakita niyang dali nga gisira sa iyang asawa ang pultahan ingon sa nahadlok.

Igo rang nakapanira ang iyang asawa, misunod ang lanog nga buto-buto sa armas tumong sa dapit nga gihigdaan sa managtiayon nga nahimutang duol sa ilang main door.

Nahurot og kabuak ang mga jalousie blade sa ilang atubangang bintana ug pipila ka mga bahin sa ilang sementado nga bungbong nangalungag agi sa pinusilan.

Sigun sa saysay ni Jerome nga human sa buto-buto iya na lang namatikdan nga nahay-ad ang iyang asawa sa sawog nga nagkadugo ug wala nay panimuot.

Dali nga gidala ang biktima sa Lapu-Lapu City Hospital apan gideklarar nga dead-on-arrival (DOA) samtang dali nga nakasibat ang mga suspek.

Ang kapulisan naka-recover og di mominus 15 ka mga basiyo sa bala sa .45 caliber pistol ug walo ka mga slug.
Way bisan usa sa ilang mga anak ang naunsa atol sa hitabo.

Dako ang pagduda sa kapulisan nga si Jerome Sr. maoy target sa mga suspek ug napagan lang ang asawa.

Base sa gihimong pagsubay sa kapulisan aron pagsuta sa motibo, ilang nasayran nga ang igsuon ni Jerome nga si Roy Aying, 32, taga-sityo Soong 1, Barangay Mactan, unang gipusil patay ni Demetrio Malingin niadtong kaadlawon sa Nobiyembre 9, 2011 base sa testimoniya sa mga saksi.

Hayag nang napalgan ang lawas ni Roy sa sityo Casanta, Mactan.

Adunay nakuha nga gamay nga plastic container nga gisudlan og tulo ka mga pakete sa shabu nga adunay sulod nga gituohang shabu.

Na-recover sa kapulisan ang usa ka notebook nga adunay listahan sa mga ngalan nga napalagan sa nataran sa balay ni Jay Malingin.

“Kini kuno si Roy maoy runner (illegal drugs) ni Demetrio sa una,” matod ni Pastorfide sa Sun.Star Superbalita sa dihang nigawas ang tabi-tabi sa dapit nga drug lord si Demetrio.

Sa maong hitabo, kasong murder ang gipasaka batok kang Demetrio, diin si Jerome nagsilbi nga complainant sa kamatayon sa iyang igsuon.

Nasayran nga niadtong Pebrero 28 ning tuiga nilusot ang warrant of arrest batok kang Malingin.

Sa pagsubay pa gyud sa kapulisan, nigawas ang tabi-tabi nga adunay laing igsuon ang mga Aying nga nakapatay sa laing sakop sa banay sa mga Malingin pinaagi sa pagdakdak og bato pipila na ka mga tuig ang milabay.

Giingong didto nagsugod ang dumot sa duha ka mga pamilya dihang giingong nanganti ang mga Malingin nga manimalos.

Sa pikas bahin, ang nagbangutan nga mga anak ni Prima ningbasol ngadto sa ilang amahan sa kamatayon sa ilang inahan, ilabi na nga ang biktima maoy breadwinner sa ilang pamilya sanglit way klarong pangita ang bana.

Nitambag ang usa sa mga anak sa biktima ngadto sa ilang amahan nga magbag-o na kay og dili tungod niya (Jerry), buhi pa unta ang ilang inahan.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!