NAUSO ang 10-man match karong panahona.
Nagsugod sa match sa mga banggiitan sa Cagayan de Oro ug Davao karong Agosto 15 dinha sa Misamis Oriental Capitol Chess Park, apan karon gidawat sa Explore MisOr Chess Club ang hagit sa Bukidnon sa usa ka class B 10-man match karong Oktubre nga mokabat ang pot money paingon sa P30,000.
Gani, daghan na mga class B sige hangyo nga iagi og eliminasyon kung kinsa ang modula sa 10 ka board nga bakante pa sa pagkakaron.
Nihatag ko og suhestyon sa chess club nga ipadala ang atong mga "rising star" sama nila ni Kenneth Honculada, Othniel Adrian Yulo, Tristan Ib oc, Chino Ranario ug ang Canino brothers ug uban dayon nga mga batan-on.
Apan adunay pipila nga mga reaksyon sama ni Ismar Irenick Estrella kay matod niya nga dili patas.
“I object. It’s not fair,” ingon niya sa iyang text message paingon kanako gahapon.
Para kanako, ok man mag-eliminasyon pero tagaan na unta atong batan-on og tsansa. Ipakita sab nato atong produkto sa dakbayan ang atong kapas. Kung matigbabaw ang eliminasyon, wala man sad ta’y mahimo.
Maglisod man sab makadula ang mga batan-on kay akong nadungog nga tingklase man sab kana ipahigayon.
Buot pasabot, makangisi si Ismar ani.
Naay dula akong ipakita nga usa sa akong paborito. Dula nila ni GM Eugene Torre batok sa batanong si GM Mark Paragua.
(2623121) Torre,Eugenio (2527) - Paragua,Mark (2478) [A45]
PHI-ch Makati (8), 01.05.2002
1.d4 Nf6 2.Bg5 Ne4 3.Bf4 c5 4.f3 Qa5+ 5.c3 Nf6 6.Nd2 cxd4 7.Nb3 Qf5 8.Bxb8 Rxb8 9.Qxd4 b6 10.e4 Qf4 11.Nh3 Qc7 12.e5 [dari nagsugod ang krimen]
12...Ng8 13.Ng5 e6 [bangag ang d6 square]
14.Ne4! Qc6 15.0–0–0! [hello black king]
15...Be7 16.Qf2 a6 17.Nd6+ Bxd6 18.Rxd6 Qc7 19.Qg3! g6 [pugos nga tira diin hinay na tanan dark square sa itom]
20.Nd2 Bb7 21.Bd3 [syempre. Mao ra ni nga pyisa nga kusog. Ang knight sa itom walay trabaho]
21...Ne7 22.Be4! Nc6 23.h4! b5 24.h5 Rg8 25.hxg6 hxg6 [bangag na]
26.Rh7 b4 27.c4 Qa5 28.Bxc6
29.Rxc6! (syempre wala na’y gamit ang uban pyisa) dxc6 30.Ne4 b3 31.Nd6+ Kd8 32.Qg5+ Kc7 33.Rxf7+ Kb6 34.Qe3+ c5 35.Qxb3+ Qb4 36.Qd1 Ka5 37.b3 Qc3+ 38.Kb1 Qxe5 39.Rd7 g5 40.Ne4 Rb4 41.a3
1–0
***
Maayong pagpamasa dinha sa taga-WaterVille Water Refilling diha sa atbang sa Waterside Living Complex.