SECTIONS
Thursday, May 23, 2019
BACOLOD

5th district mayors kang Davide; 1st district kang PJ

GIPANEGURO ni Bise Gobernador Agnes Magpale nga tibuok ang suporta sa mga mayor sa ikalimang distrito sa Sugbo nga mga sakop sa Barug Alang sa Kauswagan ug Demokrasiya ngadto sa iyang running mate nga si Liberal party Cebu provincial chairman Atty. Hilario “Junjun” Davide III sa umaabot nga piniliay sa sunod tuig.

Mao kini ang gipamahayag sa bise gobernador human ang One Cebu nagtuo nga posible dunay mga mayor sa Bakud party ang dili mopaluyo ni Davide tungod sa lawom na nga relasyon tali ni Gobernador Gwen Garcia labi na sa mga proyekto nga gibubo niini sa maong distrito.

Matod ni Magpale nga sila si Danao City Mayor Ramon “Boy” Durano ug Liloan Mayor Duke Frasco ang dili sakop sa Bakud party ug dili mosuporta sa kandidatura sa iyang kapares nga si Davide.

Si Frasco, umagad nga lalake sa gobernador kinsa bana sa anak niini nga si Atty. Cristina Codilla Frasco ug giingon nga maoy padaganon pagka kongresista sa ikalimang distrito atbang sa mga Durano.

“Dili tinghali na kay ang among track record diha sa 5th district we work as a team. Sa among nahibaw-an solid sila sa Bakud,” paneguro ni Magpale dihang nahinabi sa sibyaanang dyLA kagahapon.

Samtang iyang gipasalamtan si Kongresista Eduardo Gullas sa unang distrito ug ang partido niini nga Alayon human ningdiklarar nga paluyohan siya sa 2013 election.

“Mapasalamaton kaa­yo mi, ang among pamil­ya kang Cong. Gullas, family friend man gyud ang among mga parents sukad pa. He knows me very well.” Siya niingon nga mas malipay siya kon ang partido ni Gullas mosuporta usab sa iyang running mate nga si Davide.

Apan si Naga City Ma­yor Val Chiong nibutyag nga magpabilin ang ilang suporta ngadto sa gubernatorial candidate sa One Cebu ug suod niya nga higala nga si Kongresista Pablo John Garcia sa ikatulong distrito sa Sugbo.

Gipaabot ang maong suporta atol sa tigom nga gipatawag ni Gob. Garcia ug Kong. Garcia sa Marco Polo Plaza Hotel sa miaging gabii.

Lakip sa nitambong si Chiong, Carcar Mayor Nicepuro Apura, Sibonga Mayor Lionel
Bacaltos, Minglanilla Mayor E­duardo Ma. Selma ug kanhi San Fernando Mayor La­kambini Reluya.

Wa moapil sa tigom si Gullas tungod kay buwag kini nga pakigkitaan ni Gob. Garcia.

Matod ni Chiong nga da­an na sila namahayag nga mosuporta kon kinsa man gyud ang kandidato ni Garcia sa pagka gobernador.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!