SECTIONS
Monday July 23, 2018
BACOLOD

‘Tsada Kagay-an’ gidayeg

NAKADAYEG si Department of Tourism-Northern Mindanao Regional Director Catalino Chan III sa gilusad niadtong Miyerkules nga “Tsada Kagay-an” - tunga sa adlaw nga travel sa mga historical spot denhi sa siyudad sa Cagayan de Oro.

Ang “Tsada Kagay-an” half-day tour gilusad sa Bohemian Travel and Tours Express Inc., gipanag-iyahan sa pamilyang Pelaez ug gidumala ni Maria Teresa Picardol.

Sa kantidad nga P599, maila na nimo ang mga kultura ug kasaysayan sa Cagayan de Oro pinaagi sa giya sa mga tourist coordinators ug tourist guides.

Gibutyag ni Chan nga aduna siyay lain lakaw niadtong tungora apan iyang giprayoridad ang paglusad sa “Tsada Kagay-an” ug sobra kining nakadayeg sa inisyatiba ni Picardol kalabot niini.

Sa Divisoria, Cathedral Church, Cogon Market ug La Castilla ang mga lugar nga masayran nga daghan ang kaagi sa dapit ug mga marker nga nagbarog pa hangtod ning panahona.

“Very informative, ug akong gi-encourage ang mga turista nga mohatag og higayon nga maka-experience sa ‘Tsada Kagay-an’ tour tungod kay makapadayeg kini sa mga turista sa simpleng kultura sa Kagay-anon.”

Dugang ni Chan nga iyang nadumdoman ang usa ka higala nga kanunay magpahapit kaniya, ug dihang iyang gipangutana kong asa kini kuhaon motubag lang nga gikan kini sa merkado sa Cogon kay nagkaon.

Niadtong Miyerkules, sa iyang pag-apil sa tuor didto ra niini nasuta nganong magsige og balik-balik sa merkado ang iyang higala tungod sa talagsaon nga mga lami sa Halal foods, sikwate ug mga pagkaon nga iyang nakita nga limpyo.

Giaghat niini ang kagay-anon usab nga mohimo ug special nga delicacy sa Cagayan de Oro ug ampingan ang mga kulturang naandan. (Stephanie V. Berganio)


VIEW COMMENTS