SECTIONS
Tuesday, September 18, 2018
BACOLOD

DSWD padayong mopatuman sa SFP

ANG Department of Social Welfare and Development (DSWD) padayon nga magpatuman sa ilang Supplementary Feeding Program (SFP) karon nga tuig, subay sa Early Childhood Care and Development Program (ECCD).

Karon nga tuig target sa ahensiya nga makahatag og ayuda sa 82,245 ka mga pre-schoolers.

Ang SFP magtagana og pagkaon ngadto sa mga pre-school children.

Ang pagkaon iserbi nga init atol sa snack/meal time sa mga bata, sa lima ka adlaw, sud sa 120 diyas.

Matag bata may badget nga P10 alang sa sud-an ug P3 sa iron-fortified rice.

Ang pagpatuman sa SFP nagtumong nga maangkon ang unang Millennium Development Goal; ECCD Act; RA 7610 o Special Protection of Children Against Abuse, Exploitation and Discrimination Act; 1987 Philippine Constitution Article XV Section 2 Item 2; PD 603 o The Child and Youth Welfare Code; ug Local Government Code sa RA 7160.

Ang feeding program pangunahan sa mga ginikanan sa kabataan, diin sila ang magsilbi nga volunteers.

Ang grupo sa mga ginikanan makig-koordinar sa City/Municipal Nutrition Action Officer nga maoy moandam sa menu diin paneguraduhon sab ang nutrina nga mahatag niini.

Sa pagsugod sa feeding, ang kabataan nga beneficiary sa programa ang timbangon, diin paglabay sa tulo ka bulan subli na sab silang timbangon aron masuta kon may kalambuan ba sa ilang kahimtang.

Luyo niini, ang ginikanan ug kabataan giawhag nga mosalmot sa siyam ka sesyon sa parent effectiveness and health and nutrition seminar.

Sa rekord sa DSWD nakita nga sukad 2012, anaa sa 49 ka local government units sa Davao Region ang mipatuman sa programa, diin 39 sa maong iha nakatapos na sa 120 diyas nga feeding period. (Rhona O. Goc-ong)


VIEW COMMENTS