Mayor Sara: Di pwede aplikasyon sa metallic mining

GIBUTYAG ni Davao City Mayor Sara Z. Duterte-Carpio niadtong Lunes nga ang siyudad mobabag lamang sa aplikasyon sa metallic mining nga maoy gitumbok sa balaudnon nga giduso ni Davao City 3rd District Representative Isidro Ungab.

Ang mayor nagtumbok sa House Bill No. 05684 nga giaprubahan na sa second reading.

Ang balaudnon nagtinguha nga ideklara ang Davao City isip "Mining-Free Zone".

Si Duterte-Carpio nagsulti nga iya nang gisultihan si Ungab nga siguruhon ang limitation sa ban sa di pa moabot sa senado.

Atol sa iyang senemanang press briefing niadtong Lunes, si Duterte-Carpio subling nagsulti nga ang siyudad mosupak lamang sa metallic mining applications.

Siya nagsulti nga ang limestone mining ug quarry tugutan gihapon dinhi sa siyudad.

Sa kasamtangan, dunay earthfill ug sand and gravel quarry operations sa pipila ka mga dapit sa siyudad.

Apan giklaro sa mayor nga ang maong quarry operations istriktong gibantyan sa City Environment and Natural Resources Office (Cenro).

"We're waiting for Rep. Ungab's bill to ripen into a national law, in that way, we will be covered as a "No Mining Zone" with regard to our opposition to mining here in Davao City," suma ni Duterte-Carpio.

Iya kining giluwatan bisan dunay Executive Order No. 79 si President Benigno Aquino III nga naglatid sa mining policies sa nasud.

"In the meantime, all applications will be opposed by the city government," suma sa mayor. (Jereco O. Paloma)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph