PORMAL nang gilig-on ang "sign-and-trade deal" tali Knicks ug Portland Trail Blazers alang sa pagbalik ni Raymond Felton sa New York team, isip potential replacement ni Asian-American Jeremy Lin.
Luyo kang Felton, mobalik sab sa Knicks si Kurt Thomas isip hulip sa ilang forward nga si Jared Jeffries ug sentro nga si Dan Gadzuric.
Nauna nang nagkasinabot sila Felton ug Knicks sa usa ka multi-year deal nga nahimong hinungdan aron mapadaplin sa tim ang offer sheet o tanyag sa Houston Rockets kang Lin.
Si Felton kanhi player sa Knicks una kini mibalhin sa Denver Nuggets isip kabahin sa package deal sa pagkuha kang Carmelo Anthony niadtong 2011.
Luyo kang Felton, gikuha sab sa Knicks ang veteran point guards nga sila Jason Kidd ug Pablo Prigioni, rason nga daw huot na ang tim alang sa Taiwanese-born player.
Sa gilusad nga online petition, kapin 2,000 ka mga fans sa Knicks ang nanawagan nga ipabilin sa tim si Lin.
Nahimong instant world celebrity ang basketball career ni Lin sa nakalabay nga tuig human niini gibitbit ang Knicks sa pito ka sunod-sunod nga kadaugan.
Lin mag-clearance sale
Human igdungog nga mobalhin ang Asian-American NBA star Jeremy Lin sa Houston Rockets, mohimo og clearance sale alang sa clothing apparel kang Lin.
Sugod Hulyo 16 ang Jeremy Lin "Lin-sanity" T-shirt ibaligya na lamang sa kantidad nga $12.99 gikan sa $22.
Samtang ang libro ni Lin nga may titulong "There's No Expiration Date On Dreams" nga gisuwat ni Rich Wolfe, nagbalor na lamang og $24.95.
Subay sa report, gitanyagan sa Rockets si Lin og $25.1 million sa tulo ka tuig nga kontrata.