BACOLOD

Bayot giluba patay sulod sa kuwarto

DIGOS CITY - Patay nang nakaplagan ang usa ka bayot ug naa na sa state of decomposition sud sa kuwarto sa arkilahang boarding house didto sa SDA Road, Barangay Zone 2.

Naukay ang mga molupyo sa lugar human sila nakatimaho og di masabtan nga baho hinungdan nga ilang gisusi ang lawak sa biktima alas 5:00 sa hapon niadtong Lunes.

Nakurat na lang sila sa dihang ilang nakaplagan ang patay nga lawas ni Fringelito Daguplo Saraos, alyas Pinky, kinsa nag-trabaho sa Ylan Beauty Salon didto sa Digos Public Market.

Sa imbestigasyon ni SPO3 Roland Dagondon sa Digos City Police Office (DCPO), nasuta nga wa na mitubag ang biktima sa dihang gituktok sa iyang landlady ang kuwarto hinungdan nga ilang gipugos sa pag-abri ang pultahan.

Nasayran nga katapusan siyang nananghid sa iyang landlady nga duna siyay ubanon sa pagkatulog sa kuwarto nga ginganlan og Guwapang Mutya alas 9:00 sa gabii niadtong Sabado.

Apan gikanayon sa landlady nga wa na niya makita ang bayot human niadto.
Sa pagsusi sa mga otoridad sa patay nga lawas sa biktima, nasuta nga duna siyay samad dinunggaban sa likod nga bahin sa lawas nga maoy hinungdan sa iyang kamatayon.

Padayon pang giimbestigahan sa kapulisan ang hitabo aron nga masayran ang motibo ug ang bansagon sa mamumuno sa biktima. (Orlando B. Dinoy)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph