SECTIONS
Wednesday, June 26, 2019
BACOLOD

Mike mobabag sa proyekto sa DPWH; way konsultasyon

BABAGAN ni Mayor Michael Rama ang Department of Public Work and Highways (DPWH) kon ilang ipadayon ang pagpatuman sa road concreting sa nagkadaiyang karsada sa south district sa dakbayan sa Sugbo.

Si Rama nagkanayon nga nasurprisa siya dihang iyang nasayran nga gikan sa wa madayon nga flyover project sa Salinas Drive sa Barangay Lahug ang kwarta nga gi-realign alang sa road concreting nga way koordinasyon sa dakbayan.

“Ipadayon nila (Dpwh), di atong babagan,” matod ni Rama kinsa wa makauyon sa maong proyekto sanglit wa pa mangaguba ang aspalto sa V. Rama ug wa mokunsulta bahin sa ilang proyekto sa Guadalupe.

Ang mayor gustong mopahibawo sa katawhan sa dakbayan nga wa mohimo og pakisusi ang DPWH sa buhatan sa mayor ug iyang gihulagway nga “shortcut” ang gihimo sa mao nga ahensya.

Si Rama mopatawag sa grupong Movement for a Livable Cebu aron maoy mosusi sa proyekto, kon nganong na-realign ang kwarta sanglit una na nang nipadayag ang DPWH nga di mahimong gamiton ang maong salapi sa laing katuyuan.

Ang maong kalambuan gikalipay sa mayor nga mamahimo diay nga magamit ang maong kwarta apan ang iyang gikasuk-an mao nga way koordinasyon ang DWPH sa City Government.

Gipadayag sa mayor nga inay ibubo ang pundo sa road concreting sa Guadalupe, V. Rama, M.Velez. Labangon ug Lakandula ,mas maayo pang adto kini ipatuman sa Mahiga Creek ug mga bukirang barangay sama sa Paril, Cambinocot ug Lusaran nga labaw nga nanginahanglan sama sa ilang gibuhat sa barangay Mambaling.

Gipasabot ni Rama nga wa kinahanglana ang road concreting sa lugar nga gilatid sa DPWH kay mas gikinahanglan ang drainage system nga maoy nag-unang suliran sa siyudad panahon sa baha.

Supak siya sa pagtukod sa mga flyover kay gusto sa mayor nga unahon ang pagpalambo sa drainage system ug pagpalapad sa mga karsada.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">



style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="4158864647">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph