NAGLAOM ang pamilya nga mahatagan og hustisya ang kamatayon sa usa ka driver nga giingong gipusil-patay sa tulisan nilabayng mga adlawa didto sa sitio Tagpaco, Barangay Sinalac, lungsod sa Initao, Misamis Oriental.

Namatay ang biktima nga si Alez Bagares, hingkod ang edad, sa susamang lungsod, trabaho mao ang magdeliver og pan dala ang iyang motorsiklo human gitulis sa wala mailing mga suspetsado.

Gikan nagdeliver ang biktima niadtong tungora sa pan dihang pag-uli niini giatangan sa wala mailang suspetsado. Nakuha ang halin sa biktima nga P8 mil, cell phone, relo ug giapil pa og dala ang motorsiklo nga adunay bukag nga adunay sulod pan.

Gipusil ang biktima maka-siyam ka higayon gamit ang shotgun nga maoy hinungdan nga dead on the spot.

Nasayran nga ang lugar nga nahitaboan adunay kalay-on nga 18 kilometro gikan sa sentro sa Initao.

Giimbestigahan kini sa Initao Police Station apan blangko gihapon ning panahona ang kapolisan tungod kay walay nakakita sa hitabo.

Aduna na lamang nagpahibalo sa buhatan sa kapolisan nga usa ka nagbuy-od nga patay ang nakita.

Ang pamilya sa biktima nanawagan nga unta mahatagan og hustisya ang kamatayon niini ug masulbad ang kaso sa dili madugay. (Stephanie V. Berganio)