SECTIONS
Wednesday, December 19, 2018
BACOLOD

Genoguin: Double standard ang atong balaod

GIBARUGAN ni Senior Superintendent Ronald Dela Rosa, Davao City Police Office director, ang iyang pag-call off sa iyang mga sakop sa Talomo Police Station aron arestuhon ang usa ka retired police general nga si Joselito Tan.

Gireklamo ang kanhi police heneral nga nag-abuso ngadto sa duha ka pedicab drivers nga imbis siya pa ang mibangga sa ilang pedicab, apan mao pa hinuoy nasuko. Sigun sa asoy sa pobreng driver, human siya mabangga-i, siya pa ang nangayo og pasaylo apan gipabuthan pa siya ug gilaparo.

Katarungan sa atong halangdong Bise Mayor Rody Duterte, dili puwede nga pugson ang kanhi heneral kon dili pa siya andam magpa-imbestiga, nga sa ato pa, siyay magbuot sa iyang kaugalingon kon gusto na siya, moadto lang siya sa police station aron imbestigahan diin didto nagpa-blotter ang biktima.

Matud pa ni Dela Rosa, gawas nga walay warrant of arrest, dili pod puwede nga i-assault kay dili man siya fugitive. Ang pag-assault daw, "if there is a danger of life of that particular instance".

Dako akong uyon sa pangatarungan sa atong buotan ug abtik nga director sa DCPO, Sir. Pero sa akong gamay nga pagtuo, Sir, mahitabo lang ni tungod kay usa man siya ka retiradong police heneral ug nagdepende sad kini kon unsang klase sa tawo ang nagreklamo. Kon mga pilantropo, anak og politiko ug halangdong mga tawo ang nagreklamo, katulgan kaha ninyo ang kaso?

Dimalas lang kay pedicaber ang nagreklamo, puwede nga ibutang lang sa kalimot. Daghan nang mga panghitabo basta pobre ang nakasala o gireklamo, dili mouli ang mga pulis sa pag-raid og dili nila madala ang suspetsado, arrest at all cost.

Pero kon mga halangdong tawo ang nakasala, inbitahan lang sila,ug dili mouban, okay ra pod.

Kon sa bagay, gawas nga walay warrant of arrest, wala may police nga nakakita sa maong panghitabo. Ang pagdakop nga wala na kinahanglana ang warrant of arrest, during the commission of crime and buy-bust operation nga may kalabutan sa druga.

Bisa'g unsaon nato og timbang-timbang, ang atong balaod double standard gyud, di ba? Maulaw o mahadlok ang atong mga pulis modakop bisa'g retirado nang pulis nga nagmaoy kay lagi heneral ang ranggo niini bisan wala na sa serbisyo. Kanus-a pa kaha mahimong patas ang pagtratar sa atong balaod? Mahitabo pa kaha na? Kaylan kaya magiging matuwid ang dating baluktot na daan? Hinaut nga moabot pa nang panahona, kon dili na moabot, aguwantaha kay pobre ka.

Paminawa ang "KONTRA BALANSE" sa DXKT- 1071 Khz, alas 7-9 sa buntag, Lunes hangtud Sabado. Ug paminawa sab ang RPN Visayas-Mindanao koneksiyon.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!