Radaza supak sa RH bill; LGU unta ang bahala

LAPU-LAPU City Mayor Paz Radaza miklaro kalabot sa iyang baruganan sa nakontrobersiyal nga Reproductive Health (RH) bill.

“Sa among (ubang local city official) observation with regards sa RH bill, dili gyud ta mosuporta ana,” matod ni Radaza sa dihang nahinabi sa mga tigbalita.

Nasayran nga ugma, Sabado, ang Archdiocese sa Sugbo mopahigayon og prayer rally ilabi na nga gikatakda nga i-deliberate sa Ubos Balay Balaoranan ug gikabalak-an nga ang mayoriya mobotar pabor sa bill karong Agosto 7.

Miklaro si Radaza nga mas maayo nga ang paggamit sa contraceptive gikinahanglan nga adunay ta­taw nga distinction may labot sa katuyoan sa paggamit niini, ilabi kon health reason ang hinungdan sa paggamit sa matang sa contraceptives.

Nisugyot ang mayor nga mas maayo usab nga ita­has sa Senado ug Kongreso ang maong hisgutan ngadto sa mga local government units (LGUs) ang pag-atiman may labot niini.

“Ila (Senate ug Congress) nalang unta nang i-redown sa LGUs, kay so far we are functioning well sa health program,” dason ni Radaza.

Samtang si Cebu Archbishop Jose Palma nanawagan sa publiko nga mosalmot sa “Solidarity March and Mass for Life Against the RH Bill” nga manukad sa Fuente Osmeña sa alas 5:30 sa hapon sa Sabado.

Sa sayo pa, nipadayag og kabalaka ang 62 anyos nga prelate ug niingon nga mas angay nga tutokan sa kagamhanan ang suliran sa kawad-on sa nasud ug di ang hisgutanan sa RH bill.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph