HUMAN mapakyas niadtong Miyerkules, sa makausa pa, suwayan na usab sa Rain or Shine Elasto Painters paglangkat ang ilang unang titulo sa Game 6 karong gabii batok sa B-Meg Llamados sa best-of-seven finals sa PBA Governor’s Cup sa Araneta Coliseum.
Tinguha na unta sa Painters nga tapuson ang serya niadtong Miyerkules apan ubos sa nagkainit nga mga kamot ni James Yap, ang Llamados mipakgang sa Painters, 91-81, aron matapyasan ang bintaha sa Rain or Shine, 2-3.
Kon modaog gihapon ang Llamados karong gabii, ipahigayon ang do-or-die battle sa Dominggo.
“Focus is no longer on winning the championship but winning the next game,” matod ni B-Meg coach Tim Cone, kinsa nagtinguha nga matablahan ang 15 ka titulo ni coach BabyDalupan sa PBA isip coach.
Apan bisan pa man sa kapildihan sa niaging gabii, si coach Yeng Guiao sa Rain or Shine masaligon gihapon nga maangkon ra gihapon nila ang titulo. Ingon niya nga igo lang kining nadelatar.
“It was just delayed but it is still ours,” ingon ni Guiao kansang mga batos midaog sa Game One (91-80), Game Three (93-84) ug Game Four (94-89), apan napildi sa Game Two (80-85) niadtong Hulyo 25. (Frank Calapre)