Ikaduhang tahas karon

MOSUWAY pagsulod sa quarter-final round si light flyweight Mark An­thony Barriga sa iyang pagpakigbatok sa pambato sa Kazakhstan nga si Birzhan Zhakypov karong gabii sa ExCel Arena sa London Olympics boxing competition.

Ang away isalida nga live sa AKTV IBC 13 sugod sa alas 8:45 sa gabii.

Sayod si Barriga nga lisod gyud kaayo kini nga tahas alang ka­niya hinungdan nga kinahanglang mapagawas niya ang labing maayo niyang mahimo ibabaw sa ring.

Suweto na sab si Barriga sa abi­lidad ni Zhakypov kay iya na ki­ning gika-sparring sulod sa tulo ka mga higayon sa Asian qualifying tour­nament diin wala na moapil si Barriga kay naka-qualify na man siyang daan sa Olympics niadtong higayuna.

Gisaysay ni Barriga nga maka­paikag gyud ang ilang sparring ses­sions ni Zhakypov diin adunay higayon nga nagkadugo ang ilong sa Kazakhs fighter.

Apan giklaro ni Barriga, 19, nga wala kini napasabot nga kaya gyud niya si Zhakypov, 28.

Sa premiro niyang tahas, impre­si­bong kadaugan ang namugna ni Bar­riga batok kang Italian Manuel Cappai, 17-7.

Wala nagpa-interbyu si Barriga sa media human ning awaya, hinuon aduna siya’y gipagawas nga opisyal nga pamahayag.

Gipasabot ni Barriga nga dili pa siya angayang magselebrar kay taas pa kaayong dalan ang iyang sagubangon una siya makalabni og medalya sa matag upat ka tuig nga kompetisyon.

“Please forgive me for not giving you an interview. I was shocked at the sudden attention after only my first victory. There is a long way to go before we win a medal. Tough opponents are waiting for me that is why I don’t wish to celebrate just yet. I want to focus on training,” tipik sa pamahayag ni Barriga nga migawas sa artikulo sa www.philboxing.com.

“We are studying the tape of my Kazakhstan opponent. I believe it will be a good fight because we sparred before and he is good and strong. He greeted me before my fight against the Italian. He told me I could beat him and I told him he too could beat the Italian.”

Gihulagway ni Barriga nga maa­yong tawo si Zhakypov apan inig harong nila ibabaw sa ring, bangis niya kining harungon ug buhaton gyud niya ang tanan niyang makaya aron modaog.