SECTIONS
Thursday, March 21, 2019
BACOLOD

Vallena: Bike sa malls

ANG akong gipuy-an sa Bacayan mga 10 kilometros ang gilay-on gikan sa Sun.Star base sa cyclo computer sa akoang biseklita. Apan mas layo tingali kon mag PUJ ko kay motuyok pa man ni sa Ayala. Ibutang ta moabot ni og mga 11 kilometros.

Sa akong biyahe sakay sa biseklita, molanat ni og 25-30 minutos depende sa gikusgon ug kahimtang sa traffic. Kay kon bumper-to-bumper ang traffic, di ka man makapatuyang og padagan.

Apan kadaghan na ko makasuway nga mas dali ang akong biyahe sa biseklita kay sa 4-wheel nga sakyanan, taxi man o PUJ. Kini tungod sa grabeng kahimtang sa traffic sa Banilad-Talamban nga karsada, labina sa peak hours. Wa man hingpit nga nasulbad ang traffic problem ning mao nga karsada bisan pa sa duha ka mga flyover nga gitukod.

Mao bitaw ni nga ang Movement for a Liveable Cebu supak sa pagtukod og flyovers nga way klarong pagtuon.

Maanindot unta kon ang mga tunghaan ug mga buhatan moila sa biseklita nga maayong alternative mode of transportation alang sa nagkagrabeng traffic situation. Labina sa mga tinun-an ug trabahante nga duol ra sa mao nga mga dapit.

Apan nakahibawo ko nga lisod ning akoang sugyot kay una, wa pay infrastructure ang mga tunghaan ug mga establisemento nga kabutangan sa mga biseklita. Hinuon, nakakita ko sa University of San Carlos (USC-TC) nga dunay dapit alang sa mga biseklita. Gikinahanglan hinuon nga i-improve pa kini sama sa pagbutang og atop aron sa ting-uwan, di mabasa nga maoy makadaot sa mga parts.

Maayo unta ang pagbiseklita apan way support facilities ang mga tunghaan, gawas sa parking area, may dapit unta diin ka makapanghimasa ug makailis aron di ka manimaho nga singot. Kon naa pa ni nga mga pasilidad sa matag tunghaan ug establisemento, mas daghan ang maengganyo nga mga trabahante ug tinun-an.

Lifestyle

Sa Facebook account namo sa Cebu Folding, naa ang ubang cycling enthusiasts, apil na ang clubs sa ubang mga dapit sa Pilipinas. Isip usa sa mga admin sa amoang account, makakita ko sa gibuhat sa ubang mga mga enthusiast sa ubang mga dapit sa nasod pinaagi sa FB.

Didto sa Metro Manila, duna nay dagkong malls nga niila sa folding bike isip recreational transportation ug commuter transport.

Naay pipila ka mga babaye nga nagpuyo lang og tulo ka blocks gikan sa ilang opisina ang nag-folding bike. Pil-on ang ilang bike ug dad-on sa sulod sa opisina. Ila ning isulod ilawom sa ilang desk. Naay uban nga sexy kaayo nga mag-bike and they are so proud of it.

Sa ubang young professionals didto, ang pag-bike nila is a lifestyle ug status symbol. Naay uban kanila nga moadto og coffee shops nga magbiseklita lang, complete with gears (helmet, jersey, shoes, blinkers). Gihimo na nila kining laing paagi sa bonding, which is a healthy one. Unya ang mga mall management naghatag og importansya sa seguridad sa mga biseklita sa ilang customers.

Edukasyon

Apan dinhi sa atoa, nagkinahanglan pa og edukasyon ang kadaghanan sa mga establisemento sa negusyo. Naay hinuoy pipila nga nag-acknowledge sa ka maayo sa biseklita. Isip dugang serbisyo, nagbutang gyud gani sila og support facility alang sa biseklita. Kaanindot unta kon ang dagkong mga mall dinhi sa Cebu, sama sa SM ug Ayala, mobutang og bike support facilities nga maayo.

Maayo unta nga makakita sila nga nagkadako ang populasyon sa leisure bikers. Kaanindot mosuroy sa malls nga mag-bike ug segurado kang di makawat ug di madaut. And it’s also good for their business.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!