GIDEMANDA na sa City Prosecution Office ang usa ka cashier sa dakong hotel nga nadakpan dihang nangawat og kwarta niadtong Agosto 3, 2012.

Kasong Qualified Theft ang giatubang karon sa akusadong si Early Gene Cedillo Ortiz, 30, dalaga, cashier sa MY Hotel nga nahimutang sa San Pedro Street, siyudad sa Davao og nagpuyo sa Magallanes Riverside, ning dakbayan.

Ang kaso nakadoket sa IS # XI-02-INQ-12-H-01129 pinaagi sa Summary Inquest Procedure.

Si Ortiz nadakpan sa akto sa iyang kauban sa trabaho nga nangawat og kwartang nagkantidad og P38,000 sulod sa vault sa maong hotel.

Dali siyang gitunol sa nakadakop kaniya ngadto sa San Pedro Police Station.

Gihulat na lang sa akusado ang sunod nga mando sa korte bahin sa iyang kaso. (Blue Cordero)