SECTIONS
Friday, May 24, 2019
BACOLOD

Durano: Mga luha sa langit

HUMAN gipabuhagay sa kalangitan ang dili mabangbang nga gikusgon sa uwan sa kinatibuk-ang Metropolitan Manila ug sa mga silinganang probinsya sa Luzon, karon halos 80 porsiyento na nga gilapawan sa baha ang tibuok lugar nga miresulta na sa kumpirmadong pagkamatay sa 15 ka mga tawo og pugsanong pagpabalhin sa dili mominos 250 mil ka mga apektadong mga residente ngadto sa mas taas nga mga evacuation centers.

Mismong ang mga nagdumala sa project Nationwide Assessment of Hazards ang mikompirmar nga ang gidak-on sa bul-og sa tubig sa uwan nga natagamtaman sa pagkakaron ang milabaw na sa nahitalang gitas-on sa baha atol sa bagyong Ondoy, tulo ka tuig na ang milabay.

Sa mao nga hinungdan nga ang upat ka mga dagkong dams sa Ipo, Ambuklao, San Roque ug Binga ang lunlon na nga gipang-ablihan tungod sa kataas na sa tubig nga ilang napundo unya ang padayon nga pagpugong sa nagkataas nga puwersa sa tubig ang kuyaw nga makapabungkag sa ilang pundasyon nga magdala pa hinoon og mas dako nga kadaut ngadto sa katawhan.

Ang mas makapabalaka ning maong kahimtang kay wala’y bagyo nga maoy naghatag og puwersa ning maong talagsaong pag-uwan, hinunua mao da kini ang naandan na ang monsoon rains sa nasud gikan sa habagatang kasadpan.

Dinhi dili kalikayan ang kabalaka ug kahingawa sa publiko kon unsa nalang kaha’y atong panagway kung ang usa ka kusog nga bagyo na gyud ang direktang mopunterya sa pag-igo sa atong kayutaan?

Si Kongresista Mitus Magsaysay ang mibasol sa kagamhanang Aquino kay matud pa niya, pugsanong pagpalusot niini sa Reproductive Health Bill sa Kongeso nga nagyatak sa divine og moral laws ang posibleng hinungdan sa pagdagayday karon sa mga luha sa langit.

Hinoon, si Fr. Max Abalos, SVD ang nagtuo nga ang nasinati karon sa atong mga kaigsoonan sa kauluhan ang nagagumikan sa buhat sa pagpakasala. Apan kini wala’y labot sa RH Bill kon dili sa natigayong pagpasagad ug pagpanamastamas sa kinaiyahan aron gyud iduso kintahay ang kalambuan.

Angay natong hinumduman nga ang balaud sa water cycle sa kalibutan ang nagpabilin nga constant. Apan tungod sa atong mga industriya og carbon dioxide emissions, miinit pagmaayo ang atong atmosphere nga maoy nakapa-paspas sa proceso sa evaporation. Unya kay ang tanang mosaka ang mokanaug man gyud pagbalik sa yuta, karun nanghilam-os na kita sa mga luha nga minugna ra usab sa atong kaugalingong kapritso.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!