SECTIONS
Thursday, April 25, 2019
BACOLOD

Mas kuyaw og rekord

GIKOREHIAN sa kampo sa mga Mexican ang rekord sa duha sa tulo nila ka mga boksidor nga mopakita’g aksyon sa “Pinoy Pride XV: Philippines vs. Mexico The Rematch” boxing promotion nga gikatakda karong Sabado sa Waterfront Hotel sa Lahug, Cebu City.

Kagahapon sa usa ka press conference sa Patio Isabel restaurant sa Banilad, Cebu City, ang promoter sa mga Mexican fighter nga si Jesus Edmundo Gaytan mibutyag nga sayop ang rekord sa iyang mga boksidor nga nakuha sa ALA Promotions, nagpasiugda sa Pinoy Pride.

Gitataw ni Gaytan nga mas kuyaw ang tinuod nga mga rekord.

Basi sa www.boxrec.com, ang ALA Promotions milista kang Angel Martinez nga adunay rekord nga 13-2-1, 9KOs apan gitataw ni Gaytan nga ang tinuod nga rekord kay 18-2-1, 13KOs.

Si Martinez maoy makigharong sa kanhi world contender nga si Jimrex “The Executioner” Jaca sa ALA gym, kinsa adunay rekord nga 34-6-3, 19KOs.

Samtang si Jorger Pazos nalista sa ALA Promotions nga adunay rekord nga 20-3, 13KOs apan ang sakto kay 21-3, 14KOs.

Si Pazos makigharong sa sumosulbong nga stablemate ni Jaca nga si Genesis Servania, kinsa adunay rekord nga 18-0, 7KOs. Ilugan nila ang World Boxing Organization (WBO) Asia Pacific super bantamweight title.

Gipasabot ni Gaytan nga adunay mga away sa iyang mga boksidor ang wala matali hilabi na katong gipahigayon sa lagyong probinsya.

Sa miaging tuig, miasdang dinhi ang laing Mexican nga si Rosbel Montoya ug nasayran nga sayop sab ang rekord niini nga napatik sa www.boxrec.com.

Ang www.boxrec.com mipasabot nang daan nga dili tanan nilang rekord sa mga boksidor insakto tungod kay adunay mga away nga dili maabot kanila ang resulta.

Nasuta niadtong higayuna nga mas kuyaw gyud ang rekord ni Montoya ikumpara kang ALA fighter Jason Pagara, kinsa iyang gilupig pinaagi sa unanimous decision.

Karong Sabado, magsangka og balik sila si Pagara ug Montoya sa main event sa Pinoy Pride XV aron ilugan ang bag-ong WBO International Jr. welterweight championship.
Si Montoya karon pang adlawa moabot dinhi sa Sugbo.

Gipasabot ni Gaytan nga ang rekord makapamatuod nga adunay kalibre ang iyang mga boksidor ug masaligon siyang mobalik sila sa Mexico nga malampuson.

“These boxers will give the crowd a spectacular fight. Win or loss, we’ll give you a spectacular fight,” asoy ni Gaytan nga gihubad sa usa ka interpreter sa pinulongang Englis.

Gitataw ni Gaytan nga masaligon siya nga modaog ang iyang mga boksidor gumikan sa grabeng preparasyon niini.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!