HUMAN sa pagkompirma ni Top Rank Promotions CEO Bob Arum nga gisugdan na ang pakigsabot sa kampo ni undefeated boxer Floyd Mayweather Jr., nagpahayag karon og interest ang American boxer.
Sa usa ka higayon, mibilib si Mayweather sa talento ni 8-division world champion Manny Pacquiao.
Sigun ni Mayweather nga naglaum siyang makalaban si Pacquiao puhon.
Kung ugaling maklaro na ang fight negotiations, mamahimong mahitabo na ang ginapangandoy nga Pacquiao-Mayweather fight sa Abril sa sunod tuig.
Una niini, gibutyag ni Arum nga magpagawas og desisyon si Pacquiao una mahuman karong semana kung kinsa ang iyang makalaban sa Nobyembre 10.
Kahinumdoman, nagpulong sila Pacman, business manager niini nga si Mike Koncz ug Arum dinhi sa Pilipinas aron hisgutan ang mga sunod nga plano sa kanhi pound-for-pound king.
"Decision on the opponent will be made by the end of the week," ni Arum.
Gawas kang Floyd, gikonsidera sab sa Top Rank ang Part IV showdown kang Juan Manuel Marquez ug rematch nila Timothy Bradley o si Miguel Cotto.