SECTIONS
Monday, December 17, 2018
BACOLOD

Serna: Makalangkat na gyud kahag korona?

UGMA na ang finals ug koronasyon sa Ms. World. Nindot ang gipakitang labok ni Queenierich Rehman, ang Ms. World-Philippines 2012.

Nakurat ang mga hurado ingon man ang mga nanan-aw sa talents night sa gipakitang abilidad ni Queenierich nga beatbox. Kana bang maghimog musika pinaagi sa nagkalainlaing mga tingog ginamit ang mikropono.

Nalingaw ko kay sa tinuoray lang, kon mosuroy ta sa Colon ug ubang dapit sa mga dakbayan ug lungsod sa Cebu lang ha, daghan kaayo ang makamao niini. Bisan mga bata kamao niini.

Pero wa pa man ni mauso didto sa China mao nga pwerte nilang kurata. Basin ganig makadaug pagka Ms. Talent si Queenierich. Nakasulod sab kuno siya sa ubang mga fasttrack categories mao nga may purohan nga malakip siya sa mga semi-finalist o, labing maayo gani, finalists.

Unya, makalangkat na gyud kahag korona sa Ms. World ang Pinay? Manghinaut ta. Labing maayo nga atong ubanan og pag-ampo. Anà.

***

Ang Cebuanang si Rizzini Alexis Gomez ang nakadaug isip Mutya ng Pilipinas-Tourism ug siya ang tinugyanan sa nasud alang sa Ms. Tourism International sa di pa matapos ang tuig.

Nindot kaayo niyang pagkatubag ang iyang pangutana mao nga nakaingon kong kuyawg siyay makoronahan isip Mutya ng Pilipinas Asia-Pacific pero gwapa sab gyud si Camille Guevarra mao nga oki na lang alang nako. Dakong dungog na alang sa mga paisano ni Rizzini ang iyang nakab-ot.

***

Laing maanyag na usab gikan sa Talisay City ang nakoronahan isip Pasigarbo Festival Queen, si Keena May Anne Sumido. Siya ang nakasunod sa trono ni Mary Lorens Goyonechea. Nagsunod gyud ang duha ka Talisaynon. Asa ka ana? Ang mga dama ni Keena mao sila si Kimberly Hanika (Moalboal), Jenny Reroma (Minglanilla) Pearl Marie Cañeda (Carmen). Mga pahalipay!

***

Sa kapin sa 30 ka mga festivals sa lalawigan nga nangapil sa Pasigarbo sa Sugbo Festival of Festivals, 12 ang gihatagan og ganti isip labing maayo. Kini mao Rosquillos (Liloan), Kabkaban (Carcar City), Isda (Madridejos), Sarok (Consolacion); Palawod (Bantayan); Halad-Inasal (Talisay City); Kagasangan (Moalboal); Dagitab (Naga); Sugat-Kabanhawan (Minglanilla); Ani-anihan (Tabuelan), Hinulawan (Toledo City) ug Panagtagbo (Mandaue City).

Lima usab ang giila nga labing nindot sa street dancing. Kini mao ang Palawod, Kabkaban, Halad-Inasal, Sugat-Kabanhawan ug Bonga.

Akong na-obserbahan nga dunay mga grupo nga pwerteng dagkoa og suwaw ang mga props nga di na kaayo mamatikdan ang mga mananayaw. Duna say uban nga morag nag-ehersisyo ang mga mananayaw nga sigeg balhinbalhin og porma. May uban sab nga daghan kaayog mga burloloy ang gisul-ob mao nga maglisod paglihok ang mga mananayaw.

Hinoon, nanakit ang akong kamot pagpinakpak kada human sa ilang sayaw niadtong Lunes sa pagpanghatag sa awards.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!