GIBUKSAN na usab ang ika-30th nga exploratory talks tali sa Government of the Republic of the Philippines (GRP) ug sa Moro Islamic Liberation Front (MILF) didto sa Kuala Lumpur, Malaysia.
Sila si Marvic Leonen, head sa GRP panel ug Mohagher Iqbal sa MILF panel, hayahay! Gilaliman ka, ika-30 na kini ka higayon nga gigastohan sa buhis sa katawhang Pilipino aron lang makab-ot ang tinud-anay nga kahusay dinhi sa Mindanao?
Pero may nakab-ot ba? Walay kalinaw nga nasulbad gikan pa sa panahon ni kanhi Presidente Cory Aquino, Fidel Ramos, Joseph Estrada ug Gloria Macapagal Arroyo.
Kon atong sumadahon tingali'g bilyon ka pesos na ang gigasto sa atong gobyerno niining pabalik-balik nga problema.
Klaro na ug hayag pa's udtong tutok nga gidula-dulaan lang kita sa atong kagamhanan apan dili seryuso nga atong makab-ot ang tinud-anay nga kalinaw.
Ubay-ubay nang mga kinabuhi ang nakalas niining problemaha, labaw sa tanan ang mga sibilyan. Walay sapayan sa mga sundalo ug mga rebelde kay ila man kanang trabaho.
Nia sa Mindanao ang problema nga gustong sulbaron, pero ang venue sa panag-istorya didto sa mahalong hotel sa Malaysia. Kompleto sa mga honorarium ang mga tawo sa gobyerno nga gitahasan niini, gawas sa ilang regular ug binulan nga suweldo.
Samtang nagpadayon ang paece talks didto sa Malaysia, miulbo pod ang kagubot didto sa Maguindanao. Unsa man ni, drama?
Si Ed Kabalu nga kanhi tigpamaba sa MILF, karon nahimo nang consultant sa Armed Forces of the Philippines (AFP). Ano ba 'yan kuya!?
Angay bang tuhoan nga walay koneksiyon ang MILF sa grupo ni Ameril Umbra Kato kinsa dugay silang nag-uban sa papakigbatok sa atong gobyerno?
Panahon na tinghali nga seryusohon na sa administrasyon ni P-Noy ang atong problema dinhi sa Mindanao kay gawas sa daghang kinabuhi na ang nahanaw nag-usik-usik lang kita'g salapi nga gigasto niini apan walay resulta nga kalampusan.
Ato nang tapuson ang peace talks nga pulos atik-atik ug panguwarta lang? kay gipul-an na ang mga katawhan nga pulos saad ug walay katumanan. Kon baluktot man ang negusasyon sa milabay'ng administrasyon, karon na ang panahon sa pagtul-id.
Paminawa ang "KONTRA BALANSE" sa DXKT- 1071 Khz, alas 7-9 sa buntag, Lunes hangtud Sabado. Ug paminawa sab ang RPN.