SECTIONS
Thursday, April 25, 2019
BACOLOD

One Cebu misugod na sa pagpalig-on sa 6th district

NAGSUGOD na pagpalig-on og puwersa ang One Cebu party sa ikaunom nga distrito sa lalawigan sa Sugbo labi na sa lungsod sa Consolacion alang sa nagsingabot nga piniliay sa sunod tuig.

Sa gipahigayon nga labing unang convention sa Movement for Progressive Consolacion nga gipamunuan ni kanhi Mayor Avelino Gungob Sr., kapin sa 3,000 ka mga miyembro niini ang nihurar atubangan ni Gobernador Gwen Garcia, isip bag-ong mga sakop sa One Cebu.

Si Kongresista Pablo John Garcia sa ikatulong distrito ug gubernatorial candidate sa partido nihulagway sa kalihukan nga panaghiusa sa dagkong mga pundok sa pulitika sa Consolacion.

Alang sa 2013 elections, sila si Gungob, kanhi Vice Mayor Ember Alinsug, kanhi Konsehal Arnulfo Abinales ug kanhi Mayor Leo Go nagka-uyon nga maghiusa og puwersa aron hagiton si incumbent Mayor Teresa Alegado.

Nasayran, kaduha gipildi ni Gungob si Alegado sa pagka mayor sa miaging 2004 ug 2007 elections.

Ang kalihukan daw sa nahimo nga political rally sa One Cebu tungod kay gitambungan ni og gibanabanang sobra sa 5,000 ka mga tawo gikan sa 21 ka mga barangay sa lungsod nga nipuno sa covered court sa lungsod.

Ang MPC niindosar kang PJ isip ilang kandidato pagka gobernador samtang si Gwen isip usa sa ilang mga paluyohan pagka senador sa mosunod eleksiyon.

Si Kong. Garcia nipadayag nga ang puwersa sa MPC maghatag og dugang kusog sa One Cebu ug unang hugna pa lang ang maong oath taking sanglit masundan pa ni sa laing mga lungsod sa lalawigan.

“This is a big boost to One Cebu. So, magpadayon na ni ngadto sa ubang mga lungsod. Unya mao ni ang pirmero nato nga pagpatake oath. But in the few weeks ma-busy sad ta. We are scheduling mga oath taking ceremonies in other parts of the province.” matod sa batan-ong kongresista dihang nahinabi sa mga tigbalita kagahapon.

Iyang gibutyag nga duna na siya napili-an nga running mate apan nagdumili una siya pagtug-an kon kinsa ang iyang mapares.

“Naa na. Pero we will make the announcement at the proper time.” pagkompirmar niini.

Si kanhi 6th district Rep. Nerissa Soon nitambong sa maong kalihukan.

Apan dihang gipangutana si PJ kon si Soon ba ang ilang napili-an nga kandidato pagka kongresista sa ikaunom nga distrito, matod niya nga wala pa makahukom si Nerissa kon modagan ba sa sunod piliay ug kon unsa nga posisyon.

Apan kon ang kanhi kongresista ang pasulti-on, suma pa niya, “I’m a good soldier. Whatever will strengthen his (PJ) candidacy, I will obey. Mag-agad ko nila.”

Sa pagpamulong sa gobernador, iyang gipasalig nga kon botaran ang iyang manghod, ipadayon niini ang nasugdan niya nga mga proyekto ug programa alang sa Consolacion ug sa tibuok probinsya.

Sa wala pa ang mass oath taking, gisubhan una sa magsuong Garcia ang bag-ong two-classroom school building sa Jugan Elementary School sa Barangay Jugan, Consolacion nga nagkantidad og P714,359 ug ang 176 metros nga road concreting sa Sitio Lawis sa samang barangay.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!