SECTIONS
Thursday July 19, 2018
BACOLOD

Warriors vs. Panthers

Mga duwa karon:
1:00 pm- DBTC batok USC (jrs)
2:45 pm- CEC batok USP-F (jrs)
4:30 pm- UC batok UV (jrs)
6:15 pm- USC batok USP-F (srs)

PAREHONG mosuway pagbangon gikan sa pagkapandol ang University of San Carlos (USC) Warriors ug University of Southern Philippines Foundation (USPF) Panthers sa ilang panagharong sa main game karong gabii sa Cebu Schools Athletic Foundation Inc. (CESAFI) college division sa Cebu Coliseum.

Ang duha ka mga kampo parehong nagkasalimoang sa kasamtangan hinungdan nga importante na gyud alang kanila ang makabawi ning higayuna.

Ang Warriors adunay 1-2 nga baraha samtang ang Panthers wa pay daog sulod sa tulo ka mga duwa.

Ang manghod sa Warriors nga mao ang Baby Warriors makigbatok sa Don Bosco Technological Center (DBTC) Baby Greywolves sa premirong duwa alang sa high school division.

Sa lang sangka sa high school, magparang ang Cebu Eastern College (CEC) Dragons batok USPF Baby Panthers sa ikaduhang duwa samtang mag-abot sa ikatulong kombati ang University of Cebu (UC) Baby Webmasters batok defending champion University of the Visayas (UV) Baby Green Lancers.


VIEW COMMENTS