DEAR Papa Joe,
Ako diay si Pawpaw, taga Lapu-Lapu City, 34, minyo ug may anak. Usa ko ka negosyante.
Ang akong suliran mahitungod sa akong relasyon sa akong asawa. Taudtaud na mi nga minyo. Kahibawo ko nga naa koy daghang mga sayop. Labi na nga nakadungog ko nimo sa radio nga naa say gipangita ang asawa sa bana. Tungod lagi sa kay busy sa negosyo, mao sad siguro nga wala nako nahatagi og maayong pagtagad ang akong misis.
Sa akong negosyo, Papa Joe, di malikayan nga matagayan ta sa mga trabahante nako, labi na maminaw ko sa ilang yangungo maong gatuo siya nga naghubog hubog ra ko. Usa sa iyang mga gikasuk-an mao nga di ko mointrigar niya og kwarta kay ako na bitaw siya gisuwayan og hatag, mawala ra man. Masuko pa pangutan-on asa ang kwarta unya negusyo baya ning amo.
So by the time nga magkinahanglan og materyales ma-unshumi kay way pundo. Di na sad mi magdulog ani niya kay molakaw siya, lakaw sad ko og ako apan di ko makasulti niya unsa gyud ang akong gibati. Unya makadungog na lang ko nga mosulti siya nga wala na siyay love nako. Sakit kaayo apan di man ko kamao moreklamo o mangisog. Wa baha ka ni nakakaplag og lain? Ug usa pa, di kaha ni sa iyang pills maong saputon ni siya? Unsa kaha ang akong buhaton no para mabalik ang among nindot nga relasyon? Palihug tambagi ko.
PAWPAW
Pawpaw,
Mao nay giingon sa mga church leaders nga put God sa center sa inyong relasyon. Maayo kay gi-acknowledge nimo ang imong mga sayop and ang buhaton na lang nimo mao ang pag-materialize niini ug di kutob lang sa pagpangayo og sorry sa imong asawa. Mas maayo nga balikon nimo pagpanguyab ang imong misis sa lahi na sad nga pamaagi. Maayo siguro i-manage sad nimo ang imong time para sad di ma left alone si misis.
Regarding about sa kwarta, kinahanglan nga idetalye ninyo ang gasto ug income para mahibaw-an nimo asa padong ang kwarta kay di sad lalim mag-budget sa balay. Maybe mao nay rason nga lain siya nimo kay basin wala kay trust niya. Bahin sa duda nimo if naa siyay lain, well posible apan di sad ka mo-conclude kon wa nimo mapamatud-i.
Ang babaye bitaw, Pre, basta naa say kasuko, mangita nag way para masakitan ka og estorya para mapansin. And lastly, according sa mga kaila nakong doctor, naa say effect ang pills sa batasan sa babaye. Daghang salamat.
rPAPA JOE
(sa inyong tampo ipadala lang sa papajoelon@hotmail.ph o joelonrt@hotmail.com)