ANG team Pangilinan nga giulohan sa celebrity couple Anthony ug Maricel Pangilinan kauban si celebrity coach Rio dela Cruz moapil sa 2012 Timex Run-Davao nga magsugod alas 5 sa kaadlawon nga magsugod ug mahuman sa Roxas Avenue.

Kini ang pagkompirma ni race director Kenneth Sai sa Vantage Sports Promotions diin ang tim Pangilinan gilangkuban nila Ella, 15, Donny, 14, Hannah, 12, ug Benjamin, 10 kauban ang 11 ka bulan nga Solana.

Moabot sa 1,000 kapin ang mopartisipar sa 5K, 10K ug 16K.

Premyong kuwarta ang naghulat sa tulo nga manguna sa matag kategorya diin sa 16K mouli og P7,000, P5,000 ug P3,000.

Samtang sa 10K, makadawat og P5,000, P3,000 ug P2,000 ug sa 5K makakuha og P3,000, P2,000 ug P1,000.

Makadawat sab ang mga midaug og relo sa Timex samtang ang mga nagkampeyon hatagan og dugang nga sapatos gikan sa Skechers. Ang lumba gi-organisa sa Run Rio, Inc. ug Vantage Sports Promotions. (MSR/MLSA)