SI Charice ang batan-ong international star nga atong gipasigarbo kay lagi naghatag ug dakong dungog natong mga Pilipino.
Okay sige trulili gyud nga iyang gibutang sa lahing lebel ang banderang Pilipinas, gani daghang mga achievement kining naangkon internationally nga atong usab nga gikalipay.
Apan ngano man nga napuno naman kini karon sa mga pagsaway. Gani, syodi lang norak kondili dugay nang nahimong nega ang pangalang Charice, ngano?
Gihimakak na sa iyang inahan nga wa modako ang ulo sa iyang anak. Apan hangtud karon wala man gyud mahunong ang mga pagsaway, isyu ug kontrobersyang nahisum-okan enetch.
Dala kaha kini sa iyang pagka-sikat o daghan lang sab ang nasuya?
Labi na nga nahimo kining usa sa mga hurado o mentor sa X Factor Philippines uban nilang Pilita Corales, Gary Valenciano ug Martin Nievera.
Wa pa sugdi ang XFactor daghan na ang nang-react to death nganong usa kuno sa mga hurado si Charice. Ug sa dihang nasugdan na, unang hirit pa lang gani naputos na sa pagsaway ang Charice kay sobrang OA.
Korak ug hangtud karon mao gyud na ang ilang komentaryo ug gani bisan asa ko maabot mao gyud ni ilang isugat nakog tsika, baya noh!
Ambotyang ug unsang pagkahitabo-a nga wala mang gyud kini madutli sa mga pagsaway o agab lang gyud kini.
Basta sa akong nahibaw-an matud pas hingtungdan nga mao naman gyud kuno na si Charice ug kon unsay inyong nakita mao ang truliling siya.
Kon mao man gani, ato na lang dawaton enetch ug kon syodi gyud ninyo tipis ang inyong nakita piyong na lang ug look sa sky! Ay’g saba!
Naa diay koy importanteng pahibalo, panawagan ug ako na lang usab nga pahasubo sa nagbangutang pamilya sa pagpanaw ni Rosalinda Medura niadtong Agosto 21 sa edad nga 66. Ang haya ana-a karon sa ilang balay sa probinsya sa Bonbon, Nueva Caceres, ang lubong karong Agosto 31 diha sa Pongtud ug ang Requiem mass sa St. Joseph Parish sa Nueva Caceres.
Mga pahalipay sa mga suki man gyud ni nako sila sa Super: hapi bertday nila ni Justine Batucan Canada, Rachel “Che-che” Gelig ug Ella. Ngadto usab kang “Lance” hapi bertday kini ni momi Jean ug dadi Joeval, hapi beerday usab kay Ephet ug Barbie Kyle Navaja, syemfre gikan nako ni Angga ug sa tanan diha sa “Phets” Chicharon sa Salvador Labangon...ay’g saba!