MOKABAT sa unom ka mga backhoe ang gisunog sa gituohang napulo ka mga sakop sa Guerilla Front 4B sa Brgy. Kagumahan lungsod sa Kinoguitan, Misamis Oriental, mga alas 7:50 sa gabii sa niadtong Domingo.
Ang mga nasunog nga mga ekipo ang gipanag-iyahan mismo sa Golden Horn Company nga gi-hire sa Del Monte Philippines Incorporated (DMPI) nga magtukod og fishbone ditches diin preparasyon sa DMPI Misamis Oriental-Bukidnon expansion area sa maong barangay.
Ang mga ekipo giingong gisunod tungod kay a ng Golden Horn Company ug Del Monte Philippines Incorporated (DMPI) midumili sa pagbayad og revolutionary taxes.
Wala pa masuta sa kompanya kung pila ang danyos sa nasunog nga mga ekipo.
Ang maong insidente nagresulta nga wala nay panginabuhian ang mga trabahante sa maong kompanya ug makapugong sa kalamboan sa Misamis Oriental.
Kahinumduman nga bulan sa Hulyo gisunog gihaponang mga ekipo sa PTFI Wood Processing Company ug laing tulo ka mga trailer trucks sa bulan sa hunyo sa susamang rason nga wala pagbayad ug revolutionary tax.
Ang 4th Infantry Division uban sa Kinoguitan Police Station padayon pa sa imbestigar sa karon ug ang mga responsible sa mga misunog ang gisunod na sa tropa gikan sa 58th Infantry Battalion ubos ni Ltc George Banzon, INF (GSC) PA.
“These NPAs are really making the people suffer by robbing the latter’s source of income through this kind of atrocity. They also do this to hinder the development efforts of the government. While local government units have been doing everything for the development of Misamis Oriental and invite investors to invest here in the province not only to push the development but also to provide employment to the people and alleviate their living condition, the NPAs done nothing but to sabotage the development of the province,” masub-anong pahayag ni Mgen Victor Felix.