BACOLOD

Nalzaro: Bisan ang endorso ni Satanas dawaton

BISAN layo pa kaayo ang election period, ang mga politiko mohimo na og mga gimik aron lang magbansiwag ug mabandilyo ang ilang mga pangalan ug siguradong ma-ilhan sila sa katawhan. Kon aduna gamay nga kalihukan nga diin sila makabentaha nga ma-ila sila sa publiko, sakyan dayon. Dinhi sa dakbayan sa Sugbo, makita na nimo ang dagway sa mga pulitiko nga nakabitay sa mga poste ug anaa sa mga private establishments. Ang uban tarpaulin ug mga billboard. Hinoon, wala pay makabutang nga “vote for me”. Pero unsa man goy tumong ana?

Sa lalawigan sa Sugbo, diay programa sa nasudnong kagamhanan nga maghatag og hinabang pinansiyal sa mga kabus, gisakyan og maayo sa mga ambisyoso. Nagpabaga lang gyud sa nawong. Morag ilang ipagawas nga ilang kuwarta ang gipanghatag. Dili ra ba gyud ilang kuwarta. Kining maong klase sa mga politiko, bisan pa siguro kon si Satanas maoy mo-endorso nila, ilang dawaton.

MABULAHAN

Kining init nga duwa sa politika, daghan baya usab ang mabulahan. Sama aning dinhi sa dakbayan sa Sugbo tali nila ni Mayor Mike Rama ug Kong. Tomas Osmeña. Gumikan kay init man ang ilang panag-ingkuwentro, iyahay na lang himo og gimik aron lang gyud makakabig og mga supporter.

Ambot kon unsa kini ka tinuod nga si Tomas Osmeña ug ang iyang Bando Osmeña Pundok Kauswagan (BOPK) mitanyag og tag-P1 milyon ngadto sa mga barangay kapitan nga atoa sa kampo sa Team Rama kon mobalhin kanila. Morag tan-aw nako daghan ang magdagan niini. Pero asa man og kuwarta si Tomas?

Unya kay ang kampo ni Mike, ginamit ang kuwarta sa mga magbubuhis, nanghatag man usab og mga sakyanan ingon man gipabahaan og mga proyekto ang mga barangay. Kinsa may dili ma-enganyo niana nga magpabilin sila sa kiliran ni Mike? Dili pa sila makadawat og insulto ug kasaba. Dili susama ni Tomas.

DAGWAY NI GWEN

Mao lagi nga bisan kon layo pa ang campaign period, ang ubang mga politiko namintaha na. Daghan ang mi-feedback kanako sa ubang mga lugar sa Kabisay-an ug Mindanao nga mipakatap naman diay og mga poster si Gov. Gwen Garcia niining mga lugara. Sa Tagbilaran City, Bohol aduna nay dakong tarpaulin si Gwen sa plaza. Didto sa General Santos City ug mga lugar sa Zamboanga del Sur ug Zamboanga Sibugay province.

Unsa man tininuod na gyud ning kang Gwen nga modagan sa pagkasenador bisan kon nangulilat sa survey? Kinsa man ang kuwarta nga gigamit niini? Uy, Hunta Probinsiyal ug Commission on Audit, lilia kuno ninyo ni beh. Wala bay nalapas ang gobernador nga balaod niining iyang pagwari-wari sa kuwarta sa mga magbubuhis?

(bobby.nalzaro@yahoo.com)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph