BACOLOD

Sugilanon: Ang ilang damgo

Adonis Avril
Cebu City

“DI BA ikaw si Emma?”

“Oo, kinsa man sab diay ka? Ug nganong dia ka sa akong kuwarto?”

“Si Adonis ako, Em, imong bag-ong uyab.”

“Unsa? Nganong nauyab ko man ikaw nga di man gani ta kaila?”

“Di ta managkaila, pero nagkauyab ta sa atong mga damgo. Ayaw kog ingna nga wa ta
magkita kagabii.”

“Kagabii? Diin man?”

“Sa imong lawak mismo! Nakalimot ka? Hinumdomi ‘no pag-ayo kon kinsay imong gikasultianay kagabii lang.”

“Oo, gidamgo ko kagabii nga duna koy kasulti. Adonis ang iyang ngalan. Apan usa lang kadto ka damgo. Dili kadto tinuod.”

“Diha ka masayop, Emma. Usa kadto sa labing tinuod nga nahitabo sa atong kinabuhi.”

“Ngano man?”

“Pareho tang duha nga adunay gitawag og astral projection, diin molakaw ang atong lain nga lawas samtang natulog kita. Ang lain nato nga lawas nga migawas gikan sa orihinal natong lawas, nagkita dinhi mismo sa imong lawak, kay imo kong gipasulod. Busa nagkauyab kita kagabii lang.”

“Naglibog ako niini, Adonis. Hatagi una ko og diyutay nga panahon kay ako pa kining hunahunaon kon unsa kining nahitabo kanato.”

“Sige, unyang gabii magkita ta pag-usab.” Ug milakaw si Adonis.

ALAS DOSE sa gabii. Nanambo sa bentana si Emma sa pag-abot ni Adonis.

“Emma, kanaog una diha kay magsultianay ta.”

“Ari na lang sa akong lawak kita magsultianay.”

“Dili mahimo kay himat-an ta og laing tawo.”

Nanaog si Emma gikan sa bentana sa iyang lawak ug nanglakaw silang duha padulong sa Plaza Independencia. Maoy ilang nahisugatan ang mga kawatan nga nakigpinusilay samtang gigukod sa mga pulis. Sa crossfire unang naigo si Emma. Gisapupo siya ni Adonis. Naigo usab si Adonis apan sa bukton lang.

“Emma! Ayaw kog biyai, mahal ko!”

“Dili pa ko mamatay, Adonis. Dad-a ko sa ospital.”

Mao usab ang pag-abot sa mga pulis nga nahibulong nganong pulos naghubo ang duruha. Ila una silang gidala sa ospital.

Pagka buntag naukay ang panimalay nilang Emma, sanglit wala siya sa iyang lawak, apan didto ang nagkadugo niyang night dress. Taudtaod may tawag gikan sa ospital. Gipunit sa inahan ni Emma ang telepono.

“Ma’am, si SPO2 Sayson ni. Nagpahibawo lang mi nga si Emma dia sa ospital uban sa iyang uyab.”

Dihang gi-interbyu sila si Emma ug Adonis, walay mituo nga nagkita lang sila ug nagkauyab pinaagi sa usa ka damgo. (KATAPUSAN)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph