AC Martin
Tagming
GOOD news sa mga fans sa Missing Filemon kay sa katapusan duna na gyud silay bag-ong album.
Matod sa ilang bokalistang si Insoy Niñal nga ikatulo ni nilang album sukad sa ilang last bisrock hits niadtong 2007, sama sa Principal, Englisera ug Sinesine.
Pero karon dili na kuno ni bisrock ang tunog sa ilang music.
Mao nang nangimbitar si Insoy ug ang iyang bandang Missing Filemon alang sa album launching-concert nila aron kamoy unang makahimbis. Karon na ning Sabado, Sept. 15, 9 p.m. nga ipahigayon sa Handuraw sa dalan Gorordo.
Ang ilang carrier single nga “Kawanangan” mao say titulo sa ilang album, nga nag-feature og mga lain-laing artists sa Sugbo.
Kagaton kaha sa masa ang bag-ong sound karon sa Missing Filemon? Abangan!
NGANO GUD!
Daghan ang nagbagutbot sa Cebu presscon sa “The Mistress” nilang John Lloyd Cruz ug
Bea Alonzo niadtong Sabado.
As usual, kay lagi dili mahimong mangutana og personal questions nga way labot sa pelikula ug dapat limited ra sa one question per person. Maayo kaayong ingnon nganong nagpa-presscon pa man mo!?
Pero dili usa kundi tulo ang akong gipangutana. Unsaon man nako pag-angle ang akong estorya kon usa ray akong ipangutana. Siyempre nangutana sad ko bahin nila ni Angelica Panganiban kay mao gud nay talk of the town.
Ambot bitaw aning ABS-CBN nganong did-an nila ang taga-Cebu press nga sa Manila libre man kaayo silang makapangutana didtog bisag unsa. Kanyahay lang!
Ugma basaha ang akong interview kay hasta ang pag-ubo ni Bea ug John Lloyd captured tanan sa Super Ka! Ayaw sipyata!