SECTIONS
Saturday, April 20, 2019
BACOLOD

Barrita: Cybercrimes

GIPIRMAHAN na ni Presidente Noynoy Aquino ang usa ka balaod nga naglatid sa mga krimen nga mahimo pinaagi sa computer ug sa Internet. Mao kini ang Republic Act No. 10175, ang gitawag nga Cybercrime Prevention Act of 2012.

Nasayod kita nga daghan na kaayo karon ang migamit og mga computer. Bisan kon way computer, mahimo man nga moadto ka sa usa ka Internet café aron mag-surfing sa Internet, moabli sa imong email account, Facebook ug Twitter.

Daghan na sab nga mga kaso nga naglambi­git sa mga social networking sites apan sa dihang nanghitabo kini wa pay balaod mahitungod niini. Mausab na kini karon kay duna nay balaod mahitungod sa mga cyercrimes ubos sa Republic Act No. 10175.

Gisilotan sa maong balaod mao ang illegal access, illegal interception, data interference, system interference, misuse of devices, computer-related forgery, computer-related fraud, computer-related identity theft, cyber-squatting, cybersex, child pornography, unsolicited commercial communication or spamming ug libel.

Nakadungog na tag mga squatters, apan unsa man kining cyber-squatting?

Ang definition sa maong balaod mao kini: Cyber-squatting is the acquisition of domain name over the Internet in bad faith to profit, mislead, destroy reputation, and deprive others from the registering the same, if such a domain name is: (I) Similar, identical, or confusingly similar to an existing trademark registered with the appropriate government agency at the time of the domain name registration; (II) Identical or in any way similar with the name of a person other than the registrant, in case of a personal name, and (III) Acquired without right or with intellectual property interests in it.

Ang gitutokan karon sa atong mga opisyales sa kagamhanan ingon man sa kapulisan mao ang pagkatap sa cybersex ug sa child pornography. Nakahinumdom pa tingali kamo niadtong magtiayon nga gisikop sa kapulisan tungod kay ilang gigamit ang ilang kaugali­ngong mga anak sa child pornography. Pinaagi lang sa computer ug sa videocam, pahubuon ang bata kay adunay laing tawo, kasagaran, mga langyaw nga mobayad ug motan-aw pinaagi sab sa computer.

Busa, kinahanglan nga mag-amping sa paggamit sa computer. Kon magpakauwaw ka sa laing tawo pinaagi sa Internet, mahimo ka na nga pasakaan sa kasong libelo. Ang nakaparat pa kay mas bug-at ang silot ubos ning maong balaod kay sa ubos sa Revised Penal Code.

Ang silot nga gipahamtang ning maong balaod nagsukad sa prison mayor o pagkabilanggo gikan sa unom ka tuig ug usa ka adlaw ngadto sa 12 ka tuig ingon man multa gikan sa P200,000 ngadto sa usa ka milyon ka pesos.

(Ang atong paghisgut-hisgot mahitungod sa balaud madungog na matag karon ug unya sa mga tampo nga dunay punto legal ngadto sa tulomanon nga “Alang Kanimo Kapuso” nga gisibya gikan sa ala-una ngadto sa alas dos sa hapon sa sibyaan DYSS Superadyo sa RGMA network.)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!