BACOLOD

Todino: Pasidungog sa mga magtutudlo?

KARONG Biyernes dunay mga magtutudlo nga pasidunggan nunot sa kasaulogan sa teacher's month sa Department of Education. Matod ni Dr. Myra Castanos, ang superintendenti sa Gingoog City Schools Division kinsa maoy pangulo usab sa World Teacher's Day, gitumong ang selebrasyon pag-ila sa bayanihong lihok sa mga magtutudlo labi na niadtong nagserbesyo sa mga tunghaan nga grabeng naapektohan sa miaginbg bagyong Sendong.

Ang tema sa maong kasaulogan +ACI-My Teacher, My Hero.+ACI- Maghatag kini og dungog niadtong mga magtutudlo nga naningkamot pagtultol sa mga survivor nga mga estudyanti aron makabalik pagtungha.

Dako tuod og papel kining magtutudlo sa pag-edukar sa kabataan. Apan, kining pag-atiman sa mga tinun-an nga gawas na sa ilang poder, sama sa himuo sa uban human sa katalagman, mas labing dalaygon kini.

Nabutang kanunay sa sentro sa dagkong kalihukan ang atong mga magtutudlo. Taliwa sa daghang mga kaguliyang, kasamok ug kalisdanan mugna sa kinaiyahan o sa tawo, makita nato ang responsibilidad nga gihuptan sa mga magtutudlo.

Hapit na ang eleksiyon sa nasod. Ang atong mga magtutudlo gamiton na usab pag-abag sa Commission on Eleksyon aron mapahapsay ang piniliay. Mabutang na pod sa alanganin ang sitwasiyon sa mga magtutudlo. Sama sa miaging mga piniliay, dunay pipila kanila ang giakusahan nga nagpagamit og politiko, mitabang pagmaniobra sa resulta sa eleksiyon, nagpabayad ug nagpatunto. Dunay uban kanila sab mibarog sa ilang katungod, gitaya ang kinabuhi, namatay sa pagpanalipod sa kamatuoran.

Angay ba nato saulogon ang World Teacher's Day? Unsa may barometro sa paghatag og pasidungog sa mga magtutudlo?

Ang dakong panginahanglan sa atong mga magtutudlo mao kining bastanti nga sweldo, maayong kondisyon sa ilang tunghaan ug classroom, sangkap sa mga gamit, luwas gikan sa daotang mga tawo. Sa laktod, kanang program sa goibyerno nga makahatag og kaayohan sa panginabuhi sa magtutudlo uban sa ilang pamilya ug sa ilang estudyanti.

Nahatag ba kini sa gobiyerno? Pila man ka mga tunghaan karon nga nagkuwang gihapon og classroom, walay pansayan, walay igong seguridad, ug lisod ang dalan. Samtang ang ubang eskwelahan, labi na ang pribado, naggamit na og whiteboard, naka-aircon na, naggamit na og computer, daghan pang pangpublikong tunghaan nga nagtakilid ang classroom ug gibahaan.

Unsa ma ning pasidungog, pakonsuwelo aron malipay sab kunohay ang mga magtutudlo?

Ang maayong balita man gud nga gustong madunggan sa tanang nagserbisyo sa publikong tunghaan dili kining mga lakbit nga kasaulogan. Nuntan nato nga kabahin kini sa programa sa DepEd, pero ang pangutana, consistent ba sila sa maong kalihukan? O manghatag lang ta og pasidungog dependi kon dunay kalihukan.

Kasaulogan man kini sa tibuok kalibutan, mas maayo tingali sakyan nato ang sitwasyon pinaagi sa pag-ila sa tanang magtutudlo nga padayong miserbisyo taliwa sa paghikaw kanila sa gobiyerno sa angay unta nga benepisyo ug kaayohan nga ilang maangkon. Unta, pinaagi aning selebrasyon nga +ACI-World Teacher's Day+ACI- mahigmata na ang gobiyerno ug motutok na gyud sa panginahanglan sa atong tunghaan ug magtutudlo.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph