BACOLOD

Serna: Markki angayan, Bela lingaw

Lingaw tan-awon si Markki Stroem nga mi-sample sa iyang dinad-an sa papel sa usa ka bayot sa indie film nga Slumber Party. Inspired kini niadtong upat ka bayot nga nanglingkod sa kama samtang nagtan-aw kang Venus Raj nga miapil sa Ms. U sa miaging tuig.

Maayo siyang mokipatkipat sa mata, mo-isa sa kilay ug uban pang lihok. Apil kining pelikulaha sa Cinema One festival nga hapit na usab sugdan. Laki usab siya kaayo sa dula sa tablado nga Camp Rock diin modala siya sa papel isip Shane Gray nga gidala ni Joe Jonas sa Amerika di pa kaayo dugay.

Excited si Markki nga makadungog sa mga komentaryo unya bahin sa managlahi niya nga mga proyekto. Wa siya mabalaka kay segurado man gyud kuno siya sa iyang pagkalalaki.

Nanghatag pa gyud si Markki sa iyang album nga Thousands of Pieces diin may jazz version siya sa sikat nga kanta nga Call Me Maybe. Nindot ang mga kanta sama sa Thousands of Pieces nga may video na nga makita sa YouTube.

***

Lingaw usab ika-istorya si Bela Padilla kay motubag gyud bisan unsang pangutana gawas lang niadtong gipangutana bahin ni Marian Rivera. Nagkabangi sila kanhi pero wa pa gyud kuno sila magkakitag usab.

Magsugod na ang iyang bag-ong teleserye nga Magdalena karong Lunes sa GMA 7. Na starstruck gyud kuno siya (panagsa ra mahitabo kaniya) sa una nilang kita ni Ryan Eigenmann nga kauban niya dinhi.

Kauban ni Bela sila si Dion Ignacio, Pancho Magno, Boodie Cruz, Prince Stefan ug Vivo Ouano nga nibisita sa Sugbo niadtong Dominggo.

Si Bela ug Markki ang mga dinapit ni Rosemarie Gaisano sa grand draw sa Sakyanang Pang-negosyo sa Gaisano Bogo. Ugma, sila na usab si Divine Smith ug Tintin Patrimonio ang moanhi alang sa susamang bola didto sa Balamban Town Centre sa alas 2 s.h.

Sa alas 8 s.g., ang duha ka dalaga anha na usab sa Gaisano Country Mall magpasundayag.

***

Primero excited kuno si Dingdong Dantes nga mipagarpar sa radyo ug sa mga ikaistorya niya sa iyang umaabot nga pelikula nga Tiktik: The Aswang Chronicles. Pero dihang niabot siya sa Cebu unya giistoryahan siya nga lain ang buot ipasabot sa pulong tiktik dinhing dapita, kiwawan na kuno siya molitok niini.

Gani nagkatawa kini samtang among giinterbyu bahin sa iyang pelikula nga mahitungod sa ungo (tiktik) ug isalida na sugod sa Okt. 17. Ikaduha kining higayon nga nag-producer sa Dingdong kauban ang Reality Entertainment ug Agostodos Pictures.

Kauban ning pelikulaha sila si Lovi Poe, Joey Marquez, Ramon Bautista ug Janice de Belen.

***

Masaligon si Vice Ganda nga magngisi gyud ang mga manan-aw sa This Guy’s In Love With You Mare! inig gawas nila sa sinehan. Tungod kay makalingaw gyud kuno kini.

Mga bida usab sila si Luis Manzano ug Toni Gonzaga. Isalida na kini karong Miyerkules, Okt. 10.

***

Mibalik nag sayaw ang mga Dancing Inmates human gipahunong kini tungod sa gamayng kagubot tali sa mga piniriso pila ka bulan na ang milabay. Nindot ang ilang sayaw nga Gangnam Style.

Sa laing bahin, naka-workshop na ang mga batang finalists sa guitar duet ug vocal solo alang sa Halad sa Kabataan 2012. Si Elvis Somosot ug Jay Unchuan ang mihatag sa mga bata sa mga pointers aron mas monindot ang ilang performance.

Sa CICC himoon ang Halad sa Kabataan sa sunod Sabado, Okt. 13, sugod sa ala una sa hapon. Kitakits.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph