SECTIONS
Tuesday, June 25, 2019
BACOLOD

Bana sa huwes modagan sa pagka-board member

DAVAO DEL NORTE - Magpapili ang bana sa usa ka huwes isip board member didto sa siyudad sa Mati.

Si Basilio "Jun" Adlawan, 45, molupyo sa Barangay C Dela Cruz, Governor Generoso, Davao Oriental, bana ni Davao del Norte Regional Trial Court Branch 30 Judge Rowena Apao-Adlawan miduso sa iyang certificate of candidacy (COC) ubos sa Liberal Party sa buhatan sa Commission on Election sa Provincial Capitol, Mati City, Davao Oriental.

Kini human nga nakigtagbo siya sa mga sakop sa LP didto sa Mati City niadtong Lunes.

Siya buot moserbisyo isip board member sa ikaduhang distrito nga gilangkuban sa lungsod sa Lupon, Governor Generoso, Banaybanay, San Isidro ug Mati City.

"Sukad pa niadtong 2010, ako nagpailawom gyud sa Liberal Party ni Noynoy sa iyang krusada nga kung walang corrupt walang mahihirap. Ug nakita nako nga gitinuod gyud sa atong pangulo nga iyang limpyohan ang atong gobyerno sa panahon sa iyang paglingkod, iyang padayonon ang giingon niya nga kung ang usa ka politiko dili mangawkaw sa katungdanan duna gyuy makab-ot nga kalamboan ang katawhan ilabina sa ikaduhang distrito ug sa tibuok Davao Oriental," matud ni Adlawa.

Gipaneguro niya nga ang posisyon nga gihuptan sa iyang misis isip RTC Judge dili makaapekto puhon sa iyang pagka-BM sa 2nd District sa Davao Oriental.

"Tungod kay dili man pod ko nagapanghilabot sa mga kaso sulod sa iyang korte. The same is true nga dili sab siya makialam sa ako usab nga mga gimbuhaton as long as nga dili ta molampas ug makayatak sa tawhanong katungod," tin-aw pa niya.

Gipasalig ni Adlawan nga kon palaron siya, iyang tutukan ang palambuon ang edukasyon, pagpadaghan sa trabaho, ug pagpalambo sa isports alang sa kabataan. (Teddy Cabana)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph