BACOLOD

Public hearing sa wage increase karong hapon

DI motambong ang Kilusang Mayo Uno (KMU) sa public hearing sa Regional Tripartite Wages and Productivity Board (RTWPB) 7 karong hapon bahin sa paghatag og umento sa suholan sa mga mamumuo sa Central Visayas.

Si Winnie Bada­yos, chairman sa KMU Cebu niangkon nga wa makadawat ang ilang grupo og imbitasyon gikan sa wage board nga patambungon sila sa public hearing.

Apan bisan og nakadawat sila og imbitasyon, di gihapon sila motambong matod ni
Badayos, tungod kay nawagtangan na sila og pagsalig sa RTWPB 7.

Alang nila wa makatabang sa mga mamumuo ang wage board ug giingong nag-usik-usik lang ni sa kwarta sa gobiyerno.

Gani, dugay ra sila nanawagan sa nanga­ging mga administrasyon ug sa kasamtangan, ang Aquino administration nga bungkagon na ang RTWPB 7 tungod kay wa ni magpakabana sa kahimtang sa mga mamumuo sa rehiyon ug gila­ngay-langay ang paghatag og umento sa sweldo.

“Dugay ra mi nawagtangan og pagsalig nila. Ang amo nga bungkagon na ang RTWPB kay nag-usik-usik lang sa kwarta sa gobiyerno unya way pulos,” padayag ni Badayos dihang nahinabi sa Sun.Star Superbalita kagahapon.

Ang public hearing sugdan ala 1:00 sa hapon sa Sarrosa Hotel sa Barangay Mabolo, dakba­yan sa Sugbo.

Si Ernesto Carreon, usa sa mga labor representative sa wage board niingon nga dunggon nila ang duha ka pending petition nga nangayo og usbaw sa suholan nga gipasaka sa Associated Labor Unions-Trade Union Congress of the Philippines (ALU-TUCP) ug Alliance of Progressive Labor (APL).

Ang ALU-TUCP nanga­yo og P90 across-the-board wage increase samtang P121.84 matag adlaw ang gipangayo nga umento sa APL.

Moabot sa 60 ka mga grupo ang gipaabot nga motambong sa public hearing sanglit ang ubang stakeholders gikan sa Bohol, Negros Oriental ug Siquijor ang apil sa gipadad-an og imbitasyon.

Kadtong mga grupo nga di ma­katambong, giawhag sa wage board sa pagduso sa ilang position paper.

Si Atty. Gloria Tango, director sa Department of Labor and Employment (Dole) 7 ug chairman sa RTWPB 7 niingon nga human sa public hearing, magtagbo pagbalik ang mga miyembro sa wage board sa Oktubre 24 a­lang sa final delibe­ration.

Sa kasamtangan, P305 ang minimum nga sweldo sa rehiyon apan dili tanang kompaniya ang nipatuman.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph