BACOLOD

Liboan nag-atang sa imahen ni Calungsod

LIBOAN ka mga tawo ang mainiton, sadya, ug emosyonal nga nanag-atang sa kadalanan sa mga dakbayan sa Sugbo, Mandaue ug Lapu-Lapu atol sa motorkada pagpagikan sa opisyal nga imahe ni Beato Pedro Calungsod paingon sa Roma kagahapon.

Ang imahe moabot sa Roma karong adlawa nga maoy gamiton sa seremonyas sa pagbayaw sa pagka santos ni Calungsod karong Dominggo didto sa Vatican.

Si Padre Dan delos Angeles sa report sa Balitang Bisdak nagkanayon nga alas 3:00 sa hapon kagahapon nitugpa sa Hong Kong airport ang abyon sa Cathay Pacific nga gisakyan sa tulo ka tiil nga imahen ni Calungsod.

Ang imahe giputos og velvet nga panapton sa pag-abot sa maong tugpahanan ug gidala sa kapilya diin nagpabilin ni sud sa siyam ka oras sa tugpahanan.

Kon way kakuli-an, alas 8:00 sa buntag moabot na kini sa Roma diin sugaton ni sa mga Pinoy didto.

Sa wala pa kini makabiya sa Sugbo, untop alas 4:30 sa kaadlawon gipahigayon ang motorcade gikan sa Pedro Calungsod Archdiocesan Shrine sa Archbishops Palace paingon sa Cebu Metropolitan Cathedral nga gisundan og santos nga misa.

Alas 8:00 sa buntag, gisugdan ang motorkada nga nanukad gawas sa Cathedral ug naabot sa Mactan Cebu International Airport human sa kapin tulo ka oras.

Ang motorkada nisubay sa samang rota sa Traslacion nga nitadlas sa kadalanan sa M.J. Cuenco, sa mga barangay Tinago, Tejero ug Mabolo lapos na sa barangay Subangdaku sa dakbayan sa Mandaue.

Mga bata, tigulang, babaye, lalake, mga estud­yante ug empleyado ang nanag-atang sa dan dala ang mga dahon sa palmera, banderetas samtang ang uban nagbitbit og panyo.

Ang uban emosyonal ug nihilak nga nikaway-kaway sa ilang mga kamot sa paglabay sa
imahe ni Calungsod nga gisud og urna ug gisakay sa puwa nga sakyanan.

Nihunong og pipila ka minutos ang imahen sa beato sa simbahan sa St. Joseph Shrine sa dakbayan sa Mandaue ug sa tungod sa Lapu-Lapu City hall, diin ang imahen ni Birhen sa Regla nga gisakay usab og giadornuhan nga sakyanan susama og nihatag usab og pasidungog kang Calungsod.

Ang imahen sa Birhen sa Regla gituyukan sa mga opisyal sa Lapu-Lapu pinangulohan ni Mayor Paz Radaza.

Pag-abot sa MCIA, gipahiluna sa usa ka styrofoam box ang imahen ug gidala sa chapel sa international departure diin usa ka departure prayer ang gi-ampo ni Bishop Emilio Bataclan.

Alas 12:56 sa udto hingpit na nga nilupad ang abyon sa Cathay Pacific nga gisakyan sa imahen ni Calungsod kauban ang official custodian nga si Padre Charles Jayme ug ubang mga opisyal sa Archdiocese of Cebu.

Si Msgr. Marnell Mejia, ang chairman sa committee sa Duaw Nasud nipadayag nga wa nila damha ang gidaghanon sa mga tawo nga miabiba ug nanag-atang sa kadalanan.

Tungod niini, matod niya ilang triplehon ang himuong pagpangandam alang sa pagbalik sa imahen dinhi sa Pilipinas isip usa na ka santos.

Samtang aron motambong usab sa canonization, mobiya karong adlawa si Cebu City Mayor Michael Rama paingon sa Rome.

Si Rama usa sa libuan ka mga Pilipino nga motambong sa hingpit nga pagsantos kang Calungsod.

Siya nagkanayon nga way gasto ang Cebu City Government sa iyang pagbiyahe kuyog sa iyang mga kauban.

Ang mayor nga mawala sa City Hall balig siyam ka mga adlaw nitahas kang City Administrator Jose Marie Poblete sa paghinlo sa Citi Center batok sa mga okupante ug pagsumpo sa mga kolektor og abangan sa maong edipisyo.

Ang Citi Center nga nahimutang sa barangay Kamagayan kanhi gipanag-iya sa usa ka pribadong kompaniya apan naimbargo pabor sa City Government gumikan sa kapakyas pagbayad sa buhis sa tag-iya.

Ang tag-iya gihatagan og usa ka tuig sa pagbawi apan pakyas gihapon hinungdan nga ang maong estruktura gidumala na sa City Hall ug gihimong satellite office sa Special Encroachment and Elimination Division (Speed).

Gihimo sab kining temporaryong katulganan sa night dwellers nga ma-rescue sa Cebu City Anti- Mendicancy Task Force.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph