BACOLOD

Kampo sa Cafgu giatake, mga molupyo namakwet

KIDAPAWAN CITY - Gatusan ka mga sibilyan ang namakwet sa nahitabong engkuwentro alas 7:15 sa gabii niadtong Lunes.

Gikanayon ni 6th Infantry Division Public Affairs Chief Colonel Prudencio Asto nga nahitabong ang pagpamakwet sa dihang gisulong sa wala matino nga gidaghanon sa armed lawless group ang detachment sa 44th Citizen Armed Geographical Unit (Cafgu) Company ilawom sa Alpha Company sa 38th Infantry Battalion sa Philippine Army didto sa Barangay Dungguan, Aleosan.

Hinuon, dali nga nakabantay ang puwersa sa kagamhanan hinungdan nga misukol sila sa mga armado ug nahitabo ang 30 minutos nga pinusilay.

Miatras ang mga rebelde sa dihang nagsingabot na ang dugang puwersa militar sa maong dapit.

Walay naangol o napatay sa bahin sa mga sakop sa Cafgu ug sundalo apan di pa matino sa bahin sa mga armado.

Samtang nagtuo si Asto nga ang pagpangatake sa mga armadong rebelde panimalos human nga napatay si Mustapha Mangilen Guindalangan, alyas Kumander Tha sa militar.

Si Tha wala na makalikay sa gimugna nga checkpoint sa 40th Infantry sa Battalion Philippine Army didto sa Barangay Villarica Midsayap ug miitsa og granada apan gipusil siya patay sa mga sundalo niadtong miaging semana.

Sa kasamtangan, mas gipalig-on pa sa militar ang seguridad sa mga lugar nga posibling atakihon sa armed lawless group. (Edgardo Fuerzas)
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph