SECTIONS
Thursday, November 15, 2018
BACOLOD

Aces daog na sab

LAING alas nga duwa ang gipakita ni rookie Calvin Abueva aron agakon ang Alaska Aces ngadto sa kadaugan batok sa Brgy. Ginebra Gin Kings, 87-69, sa main game niadtong Dominggo sa Philippine Basketball Association (PBA) Philippine Cup sa Araneta Coliseum.

Si Abueva, kinsa maoy no.2 overall pick, diriyot niposte sa ikatulo niyang sunodsunod nga double-double performance aron hatagan ang Aces sa ikaupat niining sunodsunod nga kadaugan.

Ang Aces, nga nasubhan og duha ka mga pilde, naggunit na karon og 4-2 nga baraha aron makig-uban sa Rain or Shine Elasto Painters sa ikaduhang puwesto sunod sa league-leader Talk N’ Text Tropang Texters, nga adunay 6-0 nga baraha.

Sa ilang habig, kini maoy ikaupat nga sunodsunod nga kapildihan sa Gin Kings human nila sugdi ang komperensiya og duha ka sunodsunod nga kadaugan.

“I think we’re lucky because Ginebra is not on its best now and probably with chemistry issue right now,” asoy ni Aces coach Luigi Trillo sa interbyu sa AKTV.

“But I thought the bottom line [was] in the first quarter Ginebra had 22, 16 in the second, 14 in the third and 17 in the fourth. Ginebra is a team that runs and it’s their strength. I think our defense did it today.”

Sa maayo niyang gipakitang mga duwa sukad sa iyang pag-abot, napili dayon si Abueva isip Accel-PBA Press Corps Player of the Week (Oct. 22-28).

Ning maong higayuna, gipangpukan sa Aces ang Air 21 Express ug Gin Kings diin nag-average si Abueva og 17.5 points, ug 10.5 rebounds.

“He is a ball of energy who brings so much passion to the game for us,” paghulagway ni Trillo kang Abueva.

“We are using him at the forward position. We have not even tried him out in the wing or point guard position. I cannot remember a (local) player who could play all five positions.”

Puntos matag usa:

Alaska (87) – Abueva 19, Casio 16, Baguio 14, Jazul 12, Thoss 12,Hontiveros 5, Espinas 4, Baracael 2, Dela Cruz 2, Reyes 1

Ginebra (69) – Ababou 14, Caguioa 12, Tenorio 10, Maierhofer 7, Mamaril 6, Cortez 6, Raymundo 5, Ellis 4, Wilson 3, Jensen 2.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!