MGA organizers sa Pasko Fiesta 2012 ning siyudad malaumon nga mas daghan pang bisita, langyaw man o lokal ang makigduyog sa kalihukan.
Ang lokal nga gobyerno ning siyudad subling nag-andam og makalingaw nga mga kalihukan alang sa tanan.
"We are looking forward na madagdagan pa yung number of visitors natin, di man siya magdoble, at least maabot nato ang number," ni Orly Escariila, Festival Director ug tigpamaba sa Pasko Fiesta sa I-Speak Forum.
Gibutyag ni Escarilla nga subay sa datus sa buhatan sa Turismo sa nakalabay nga tuig miabot og 59,000 ang miabot nga bisita dinhi sa dakbayan, nakigduyog sa nagkadaiyang kalihukan.
Ang Pasko Fiesta Sa Dabaw buksan karong Disyembre 7, alas 5:00 PM diha sa Rainbow Drive, People's Park ning siyudad.
Sa pagbukas sa kalihukan ipakita sab ang pagpasiga sa Christmas Tree sud sa parke nga may gitas-ong 30 ka tiil nga ginama sa recycles nga botelya, plastic ug uban pa.
Gibutyag sab ni Lisette Marquez, event organiser ilawom sa
Ang Duaw Dabaw Festival Foundation nga karong nga tuig gigahin ang P3.5M nga pundo, mas taas sa P2.5M nga badget sa nakalabay nga tuig.
"The amount is gagamitin for the prizes ng different activities we have. Walang counterpart ang City Government, galing siya sa private sector," ni Marquez.
Pipila sa kalihukan subay sa Pasko Fiesta sa Dabaw mao ang Kahayag sa Pasko nga pakontest sa may pinaka-nindot nga dekorasyon, nga may kategoriyang Commercial (Large/Small) ug Barangay o school category.
Samtang anaa sab sa Pasko Fiesta sa People's Park, diin angay nga atangan ang Pasko Fiesta Light Show Display, Parol ug Pasko Kahoy Design Competition.
Anaa sab ang Hudyakaan sa Kapaskuhan, Rondalsaya Performances, Panaygon ug Tugsayaw sa Pasko Fiesta sa Rizal Park.
Usa sab sa highlight ang mabulukon nga Lamdag Parada nga magpakita sa mga floats nga gidayan-dayan sa nagkadaiyang kolor sa suga.
Gipaneguro ni Marquez nga malingaw ang mga Dabawenyo ug sumusud-ong sa matag kalingawan nga ilang giandam, kini agig pahalipay sa lokal nga gobyerno ngadto sa katawhan. (Rhona O. Goc-ong)