AC Martin
Tagming
ATONG unahon ang biyudang aktres nga si Lorna Tolentino nga bisag sa pangidaron nga 51 guwapa ug sexy lang gihapon.
Apan sa chika nako ni Lorna bahin sa ilang teleseryeng Pahiram ng Sandali sa GMA-7, maora kuno siyag atakehon sa kasingkasing sa matag higayon nga mabasa niya ang script tungod sa heavy drama.
Apan nindot kuno ang moral lesson sa Pahiram ng Sandali nga dili dapat sipyaton sa mga Kapusong Cebuano.
Kon duna pa ba siyay next project sa Kapuso, ang tubag ni Lorna nga duna pa sanglit duna siyay gipirmahang kontrata sa GMA-7.
“In my 43 years in showbiz, since when I started I was only seven years old, I’ve already done 97 films. Siguro, that’s my edge sa ibang artista kasi maaga akong nag-umpisa.”
Kon unsay iyang beauty secret?
“Si Vicki Belo ang bahala diyan,” dayon niyang katawa.
Nipaambit sad si Lorna sa iyang nahimong kasinatian sa pagpa-stem cell therapy sa Germany nga matod pa niya epektibo gyud kay nawala kuno ang pagpanakit sa iyang mga joints ug bukobuko.
“Lima ka injections sa butt lang lahat. These were for the brain, heart, liver, kidney and speed for the metabolism.”
DIWATA MAGAYON
Super chika sad ang maanyag nga Rhian Ramos nga nag-promote sa fantasy-epic nilang Indio,
diin nidala siya sa papel nga Diwata Magayon.
Ang gilisdan ni Rhian sa Indio ang ubang Tagalog words nga medyo lawom ug lisud kuno i-pronounce. Pero duna silay mga coach nga motabang.
“Happy ako bilang diwata ng mga hayop na lumilipad. Nagiging ibon din ako,” paambit pa ni Rhian.
Sa iyang relasyon karon ni KC Montero, ang aktres nibutyag nga basta na lang sila na-develop ug wa siya kahibawo kon unsa gyung buwana o petsa silang nagkauyab.
VICE CONCERT
Sama sa gipaabot, napuno ni Vice Ganda ang Pacific Grand Ballroom sa Waterfont Cebu City Hotel sa miagi niyang Sinulog concert.
Magluha-luha kag kinatawa sa iyang mga kabuang, dunay uban offensive sa audience pero at least karon kahibawo nang mobawig estorya ang bayot, dili pareho niadtong una niyang concert sa Waterfront nga hasta ang producer giapil og insulto sa iyang mga bugalbugal.
Karon, kay paulian na niya ang audience. Pareho atong usa ka guwapong foreigner nga iyang gipasaka sa stage, iyang gipungutana kon kinsay kauban. Pagtudlo sa foreigner sa usa ka batan-ong Pinay, iya dayong giingnan ang babaye nga “ay ang suwerte-suwerte ni Ate, ang yaman-yaman at guwapo ng papa mo, internet lang ang puhunan.”
Pero pagkahuman, iya dayong giingnan ang babaye nga “joke lang ate ha, thank you for being so sport!”
Well, salamat diay ni Cagayan de Oro city Barangay Kapitan Jaime Frias nga naghatod og pasalubong sa Superbalita office sa miaging Sinulog. Salamat, Kap!