USA ka 6-9 nga British Mixed Martial Arts (MMA) fighter ang mihagit sa beterano si Brandon Lee sa usa ka kulbahinam nga panagsangka.
Si Chi Lewis-Parry, usa ka championship ug Glory kickboxing heavyweight, ang nanawagan sa giilang “The Truth” sa panagsanga sa One Championships.
Wa pa makaangkon og kapildihan sulod sa unom niya ka MMA fights, si Lewis-Parry nanglantaw nga makaaway sa mga dagkong fight ug kini maoy hinungdan nga iyang gihagit ang Filipino-American striker.
“Brandon Vera? This guy doesn’t wanna fight me. I think Brandon is probably a little bit scared that I would drag him all up and down the dirt and there’s nothing he could do about it,” matod ni Lewis-Parry sa usa ka interview sa ONE Championship video.
Kon ang gitas-on maoy hisgutan, natural dako og bintaha ang Briton batok ni Vera kinsa aduna lay 6-2 nga gitas-on.
Pinaagi sa iyang Facebook account, gidawat ni Vera ang maong hagit. Gani gipasumbangay ni Vera si Lewis-Parry nga mahinumdoman ra unya kini sa iyang gipanulti sa higayon nga iya na kining mapildi.