BACOLOD

Kaso sa 'meningo' gikaalarma

NAALARMA karon si Konsehal Dante Pajo sa gikatahong kaso sa meningococcemia sa usa sa mga balay tambalanan ning dakbayan sa Cagayan de Oro.

Matud ni Pajo bisan pa man nga sayon ra kini nga matang sa sakit nga atimanon sa mga doctor, dili gihapon angay kompiyansahan ilabina gayud sa mga tawo nga nagpalibot o adunay kontak sa pasyente.

“It can be easily handled but the disease per se is very contagious,” butyag ni Pajo.

Tungod niini gihangyo ni Pajo nga ipahibalo gayud sa mga paryente o sa mga tawo nga duol sa pasyente aron mahatagan gilayon og prophylaxis ug malikayan ang pagtakboy pa sa sakit sa uban.

Kahinumdoman nga aduna na usab mga kaso sa meningococcemia sa nilabayng tuig ug adunay natala nga nawad-an sa kinabuhi tungod sa maong sakit.


2.
4 gisudla’g dautang espiritu?
Stephanie V. Berganio

DILI masabtang mga pulong ang miguwa sa baba sa upat ka tinun-an nga gituohang gisudlan og dautang espiritu niadtong Martes sa hapon sa Cagayan de Oro City National High School nga nahimutang sa Barangay Nazareth ning siyudad sa Cagayan de Oro.

Ang tinun-an sa fourth year nga mao si Lady Jane Hernando maoy nagsige og yawyaw ug taliwala nga gitabang mipatigbabaw ang kusog niini.

Ang magtutudlo nga mao si Julian Vendiola nisaysay sa usa ka sibyaan sa radyo nga gawas kang Lady Jane apil sa gituohang gisudlan mao si Genevieve Hernando, Reysan Sabio, ug Anita Pagaran. Saysay niini nga adunay nadungog nga kusog nga tingog ang iyang mga tinun-an ug ubay ubay nga paglangob sa tingog.

Wala nagpataranta ang magtutudlo niini ug maoy nangulo sa pag-ampo. Apan pipila ka minuto ang nilabay kalit lang misyagit si Lady Jane ug daw kusgan na kini kaayo. Dili na masuta kung unsa ang mga pulong nga gibuhian niini.

Hinungdan nakadesisyon kini nga dal-on ang upat sa San Antonio de Padua Church ug giampoan ug giingong usa pa kini nahimong kalmado.

Apan ang pari sa maong simbahan nga mao si Monsignor Tex Legitimas dili kumbinsido nga gisudlan og dautang espiritu ang maong tinun-an, kini tungod kay daw daghan rason nganong mosakit ang ulo, moyawyaw ang usa ka tinun-an.

Hinuon ila pa kining sutaon kung tinuod ba nga adunay dautan nga nipalibot sa maong tunghaan labina ila na nga nasuta nga dili lang kini nga mga tinun-an ang nakasinati niini apan pipila na kaniadto pa.

Giingong sugod nga giputol ang punoan sa pine tree sa maong tunghaan nagsugod ang talagsaon nga mga namatikdan nga gitouhang hinimoan sa dili normal nga tao.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph