Laing proyekto gipahunong sa Dole
SA ikaduhang higayon karong buwana, laing proyekto sa parking na usab ang gipahunong sa Department of Labor and Employment (Dole) 7 tungod sa kalapasan niini.
Ang proyekto sa parkinganan sa Grand Convention Center sa dan Archbishop Reyes gipahunong tungod kay way Personal Protective Equipment (PPEs).
Walay full body harness, hardhats ug safety shoes ang mga trabahante niini.
Ang mga trabahante nga nagtrabaho sa pasaka nga parkingan diha sa gawas sa maong center nakalapas sa PPE, matod sa pakisusi ni Labor Laws Compliance Officer (LLCO) Engineer Primo Guarin.
“Apart from the violations that our LLCO observed in plain view, we also found out more OSH deficiencies during the conduct of the Occupational Safety and Health Investigation,” matod sa Dole 7 OIC regional director Exequiel Sarcauga.
Nasuta usab nga ang parehong Grand Convention Center ug HI-Speed Construction Inc., ang general contractor way safety officer ug full time first-aider nga naka-duty.
Wala usab sila makapresentar og third party inspection sa duha ka mga heavy equipment nga gigamit nila.
Lakip sa wala ang maong kompaniya ang Philippine Contractors Accreditation Board (PCAB) registration/license nga aprobado sa DOLE isip Construction Safety and Health Program (CSHP) ug wala usab kini TESDA certification sa ilang skilled welders, electricians, ug heavy equipment operators.
“When our LLCOs conduct joint assessments and investigations, apart from the OSH standards, they also make sure to take a look at the general labor standards (GLS) if they are being complied with,” si Sarcauga nagkanayon.
Nakalapas usab ang maong building sa GLS. “Some of their workers were underpaid and some were also not paid for holiday and special holiday premium.”
Sa sayo pa gipahunong usab sa maong ahensiya ang gipatrabaho sa Cebu Christian Gospel Center nga Grand Parking Project tungod sa susamang kalapasan diin anaa kini mahimutang usab pipila ka metros sa Grand Con.