DIGOS CITY - Gisuta pa karon sa mga pulis kon unsay hinungdan kon nganong namatay ang usa ka menor sud sa balay pasilungan alas 2:03 sa hapon niadtong Miyerkules.
Sumala pa nga nakurat na lang ang mga personahe sa City Social Welfare and Development Office (CSWDO) human nabangalan nga wa nay kinabuhi ang batang menor sud mismo sa Half Way Homes.
Ang social worker nga si Sheila Grace Joy Labajo, gilayong nitaho ngadto sa Women and Child Protection Desk (WCPD) kalabot sa kalit nga kamatayon ni alyas Gabriel sud sa pasilungan.
Gihulagway ni Police Inspector Aizzel Anuran Alvarez, imbestigador sa WCPD, nga ang biktima malnourished ug mentally retarded. Gawas pa, bungol ug amang siya.
Hinuon, gipahiluna na sa lokal nga gobyerno ang patay'ng lawas sa biktima.
Samtang gipasalig ni Mayor Joseph Penas nga hatagan niya og disenteng lubong ang namatay nga menor. (Orlando B. Dinoy)